FSPCM HO CRS SELEBRA AKORDU HODI SERVISU HAMUTUK

FSPCM HO CRS SELEBRA AKORDU HODI SERVISU HAMUTUK

Dekanu FSPeCM Sr. Cipriano do Rosario Pacheco, AMG.,Lic.SP.,M.Kes, hateten ohin ita hala’o tan asina agrimentu ida ho CRS ne’e kontinuasaun MoU ne’ebé asina ona entre Universidade ho CRS iha tinan kotuk liuba, espesialmente ba ohin FSPeCM konteudu husi MoU ne’ebé CRS rasik iha fundus mai husi nações Unidas America ninian.

Liuhusi ne’e sira provide voluntaria ne’ebé durante sira halo ligadu ho agrikula ho sira seluk, maibé rezultadu ne’ebé agora dadaun liga ho re-Nutrisaun tanbá FSPeCM iha departamentu Nutrisaun. Ho ida ne’e mak liuhusi negosiasaun ita aseita hotu ona ba iha konteudu sira ne’ebé mak ita alista ona no ohin ita hala’o asina agrimentu ida ne’e.

“Ida ne’e hanesan pasu dahuluk ita asina depois ita sei prepara ninia termus de referénsia ba atividade frame nian liga ho Nutrisaun depois husi teknikamente termus referénsia ne’ebé ita iha sei halo diskusaun ho CRS nune’e bele levanta ita ninia problema no nesesidades sira ne’ebé mak ita presiza iha Fakuldade liu-liu ba iha departamentu nutrisaun, depois asina ida ne’e hanesan proposta ida sei haruka ba iha CRS no CRS rasik mak sei haruka ba iha komisaun voluntariu ne’ebé iha nações unidas, nune’e hodi buka voluntariu sira ne’ebé mak espertu iha àrea nutrisaun,” tenik Dekanu.

Dekanu orgullu tebes ho kolaborasaun ne’ebé iha tanba bazeia ba lema UNPAZ dehan UNPAZ mak sosiedade, sosiedade mak UNPAZ ita labele aprende de’it iha aula, maibé ita mós tenki haforsa ita-nia kolaborasaun iha sosiedade sira nia let atu nune’e bele apriende esperiénsia ba iha ita-nia estrutura sira, ba iha ita nia dosente sira nomós bele transfere ba iha ita-nia estudante sira.

Entretantu partisipa iha selebra akordu hodi servisu hamutuk ne’e, Pro Reitor Rekursu Humanu, Dekanu Fakuldade, estrutura Fakuldade inklui estudante sira.