FSP HO PLAN INTERNASIONAL REALIZA ATIVIDADE SEMINARIU

#UNPAZ# 11 NOVEMBRU 2021

FSP HO PLAN INTERNASIONAL REALIZA ATIVIDADE SEMINARIU

Dili-Universidade da Paz (UNPAZ), liuhusi Fakuldade Saúde Públika nia Deparatamentu Saúde Reprodutiva, realiza atividade Seminariu ho tema Konsultasaun ba Foin Sa’e Kona-ba Saúde Reprodutiva no Efetividade Utiliza Teknologia Asesu Informasaun Reprodutiva, Salaun FSP (11/11).

Dekanu Fakuldade Saúde Públika Sr. Martinos Nahak Lino, A.MKI.,Lic.SP.,M.AP hateten ohin loron ita hetan vizita husi Plan Internasional hanesan parte ida husi koloborasaun no koperasaun entre Fakuldade Saúde Públika ho ajensia internasional sira, liu-liu Plan Internasional ne’ebé sira nia programa ligadu ho Saúde Reprodutuva liu-liu ba joven sira .

Nai hatutan, Ida ne’e importante atu hakerek manual kona-ba Saúde Reprodutuva depois aban bairua bele implementa ba iha programa Saúde Reprodutuva husi Plan Internasional nian, no ninia rekizitu minimu tenki iha konsultasaun ba padraun/ba manual ruma antes atu halo produsaun/utiliza ba públiku.

"Ita hanesan parte akadémiku ne’ebé sira haree katak, bele fó ita nia kontribuisaun tomak ba programa ida ne’e atu nune’e bele utiliza ba programa liu-liu atu suporta mós Ministeriu Saúde iha programa Saúde Reprodutuva iha Timor-Leste", tenik Dekanu FSP.

Aliende ne’e, Estudante Celestina da Costa Ximenes, husi Departamentu Saúde Reprodutiva, reforsa, seminariu ne’e husi Plan Internasional atu aprezenta kona-ba materia sira ne’ebé mak ligadu ho dosente sira fó mai ami.

"Husi informasaun ida ne’e hanesan estudante Saúde Públika ami sei habelar tutan informasaun ne’e ba iha komunidade sira nomós ba joven sira", Estudante Celestina.

Partisipa iha seminariu ne’e, Dekanu Fakuldade Saúde Públika Sr. Martinos Nahak Lino, A.MKI.,Lic.SP.,M.AP ho Estrutura Dosente no Funsionariu, Ekipa Plan Internasional, inklui Estudante sira.