FINALISTA 715 RESJISTU ONA IHA UNPAZ
Dili-Universidade da Paz (UNPAZ) liuhusi Unidade UA-AAE ne’ebé responsabilidade ba rejistrasaun estudante foun tinan akadémiku 2022 nian total hamutuk estudante atus hitu sanulu resin lima (715) ne’ebé halo ona inskrisaun, iha UNPAZ (26/01).
Diretór UA-AAE, Sr. Almerindo Bianco Sequeira, Lic.Tec.,M.Eng. hateten, iha etapa primeiru atus tolu reisn mak tuir ona exame, no etapa segundu ne’e sei atus tolu rein, total estudante foun husi etapa primeiru no segundu hamutuk (715) ne’ebé rejistu ona.
Nia hatutan, husi (715), Fakuldade Ekonomia (148), Fakuldade Direitu (109), Fakuldade Siénsia Sosiais Humaniora (159), Fakuldade Enjeñaria (93), Fakuldade Saúde Públika (178), Fakuldade Teknologia Agrikola (28).
“Sei iha oportunidade ba etapa terseiru nian ba rejistrasaun estudante foun to’o Fulan Marsu 2022, tuir tarjeitu no planu ne’ebé Universidade prepara oan, planu Universidade nian sei simu estudante foun, rihun tolu atus lima (3.500), tuir fasilidade infrastrutura ne’ebé Universidade iha, ida ne’e akumula hotu ba programa Lisensiatura nomós Mestradu”,dehan Diretór.
Estudante etapa segundu nian, atus tolu ualu nulu resin hitu (387) ne’ebé sei seidauk tuir teste, sira sei tuir teste iha sabadu 29 iha kampus UNPAZ, maibe ida ne’e seidauk konta ho loron ohin no aban ne’ebé rejistu, sira ne’e hotu sei tuir teste hotu iha loron sabadu, tenik Diretór.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
