FINALISTA 259 HUSI FAKULDADE EKONOMIA SERIMONIA JUDISIUM BA DALA XVII

#UNPAZ# 17 DEZEMBRU 2021
FINALISTA 259 HUSI FAKULDADE EKONOMIA SERIMONIA JUDISIUM BA DALA XVII

Dili-Universidade da Paz (UNPAZ) liuhusi Fakuldade Ekonomia nia finalista atus rua lima nulu resin sia (259) husi Deparatamentu haat Departamentu Jestaun, Kontabilidade, Bankaria, Empreendedorismu hala’o serimonia Judisium ba dala XVII tinan akadémiku 2021 ho tema Produs Rekursus Ne’ebé Kreativu Inovativu ho Karakteristika Empreendedorismu iha Aréa Ekonomia ba Dezenvolvimentu Nasaun Timor-Leste, iha Salaun José Kasimiru (17/12).

Magnifiku Reitór Universidade da Paz, Dr. Adolmando Soares Amaral,m Lic.Eco.,MM. agradese ba inan aman maske iha situasaun difisil nia laran ne’ebé mundu tomak afeita covid-19, maibe inan aman sira nafatin esforsu buka osan hodi suportsa oan sira konsege hotu.

Ami iha responsabilidade moral akompaña imi iha tinan haat nia laran, atu di’ak ka at, atu barak ka ituan, ita hotu nia hamutuk ita apoiu malu ho matenek pedasuk ne’ebé ita iha ita fahe ba malu, kestaun ita fahe ba malu ne’e tanba tempu de’it, ami hoirseik, ita bo’ot sira foin ohin, se ita hotu horseik imi mós laiha ne’eba ami mós la iha ne’e.

”Ha’u husu ba ita bo’ot sira wainhira ita bo’ot sira hetan oportunidade ba pozisaun ruma, tenki haree pozisaun ne’e ho responsabilidade, labele haree pozisaun ne’e hanesan oportunidade, ita bo’ot sira haree pozisaun ne’e ho responsabilidade maka ita bo’ot sira ba la’os atu ukun, maibe atu servi, atu sai atan ba povu nia moris di’ak no kontribuisaun ba dezenvolvimentu ba rai ida ne’e”, tenik Reitor.

Enkoraja ita bo’ot sira, moris iha sosidade tenki hatudu imi nia matenek, atitude no badaen iha sosidade no ambiente ne’ebé ita bo’ot sira horik ba, husu ita bo’ot sira nafatin asegura naran bo’ot Universidade da Paz, tanba Universidade da Paz ita hotu nian, dehan Nia.

Dekanu Fakuldade Ekonomia, Dr. Alexande de Sousa Guteres, Lic. Eco.,MM. hatutan, hanesan Dekanu Fakuldade Ekonomia ho estrutura tomak hakarak hato’o ami nia parabens ba judisista sira, nomós ba inan aman sira ho sira nia esforsu tomak bele haruak sira nia oan mai iha UNPAZ.

”Inan Aman ne’ebé fó ona ita bo’ot sira nia sakrifisiu tomak ba oan sira, no fó fiar mai iha Fakuldade Ekonomia Universidade da Paz, hodi bele aprende siénsia no ohin bele sai judisista iha Fakuldade Ekonomia, liga ba tema refere, matenek ne’ebé ita bo’ot sira hetan labele ida ne’e de’it, tenki Kreativu no Inovativu, no buat sira ne’ebé ita bo’ot sira hetan, sei responde no eduka ita bo’ot sira nia karakteristika iha sosiedade nia le’et”, Katak Dr. Alexande.

Reprezentante Inan Aman, Sr. Egidio Carreceres Oliveira, hanesan inan aman ohin loron ami sente kontente no orgullu tebes, tanba ho ita bo’ot sira nia esforsu ohin loron ami nia oan sira bele sai formadu, agradese ba Magnifiku Reitór ho Estrutura tomak nomós dosente sira hotu iha UNPAZ, ho imi nia esforsu ami nia oan sira bele sai formadu.

”Atu sai formador ne’ebé di’ak la fasil, maibe ho ita bo’ot sira nia esforsu oi-oin, ohin loron ami nia oan sira sai formadu tanba husi ita bo’ot sira nia esforsu, nasaun Timor-Leste atu forti no buras, presija rekursus umanus ida ne’ebé adekuadu no forti, oan sira imi mak sai rin ba nasaun ida ne’e”, dehan Egidio.

Reprezenta Judisista, Guido Monteiro, agradese ba Universidade da Paz, hanesan uma mahon ida ne’ebé halibur juventude tomak iha timor laran tomak, hodi aprende atu dezenvolve ita nia rai doben Timor-Leste, agradese mós ba dosente hotu-hotu ne’ebé durante ne’e akompaña ami, hodi hanorin no eduka maka ohin ami finaliza estudu iha uma mahon ida ne’e

”Inan aman sira, durante ami estuda iha Universidade da Paz, karik ami oan sira mak halo ita bo’ot sira susar iha ita bo’ot sira nia fatin, tanba ami husu buat barak. maske difisli ita bo’ot sira lori ami mai iha UNPAZ, ohin hatudu ba ita bo’ot sira ami bele finaliza ami nia estudu iha UNPAZ”

Partisipa iha Serimónia Judisium Fakuldade Direitu, Magnifiku Reitór Universidade da Paz, Dr. Adolmando Soares Amaral,m Lic.Eco.,MM. Estrura Tomak Kompostu husi Pro Reitor sira, Dekau Fakuldade Neen, Xefe Deparatmentu sira Prezidente Fundasaun Neon Metin, Diretór/a Unidade sira, Dosente, Funsionariu, Inan Aman, Komvidaus hotu, Judisista sira, inklui Estudante hotu iha UNPAZ.