FINALISTA 208 HUSI FSP SERIMONIA JUDISIUM BA DALA XV

#UNPAZ# 18 DEZEMBRU 2021

FINALISTA 208 HUSI FSP SERIMÓNIA JUDISIUM BA DALA XV

Dili-Universidade da Paz (UNPAZ) liuhusi Fakuldade Saúde Públika nia finalista atus rua ualu (208) hala’o Serimónia Judisium ba dala XV tinan akadémiku 2021 nian, iha Salaun José Kasimiru (18/12).

Magnifiku Reitór Universidade da Paz, Dr. Adolmando Soares Amaral,m Lic.Eco.,MM. hateten, mensajen ne’ebé ohin reprezentante judisista aprezenta, mensajen husi inan aman no mensajen husi Dekanu Fakuldade Saúde Públika, ida ne’e atu enkoraja ita para, ita bele prepara a’an atu organiza a’an atu hasoru dezafius hotu iha tempu sira tuir mai.

Nia hatutuan, Winhira ita bo’ot sira gradua no aumenta tán titulu ba grau akadémiku ba Lisensiatura iha área Saúde Públika, hanesan Reitór no hanesan imi nia maun, ita hotu-hotu nia responsabilidade moral ba dezenvolvimentu ba rai ida ne’e.

”Winhira ita bo’ot sira hetan pozisaun ruma iha sosidade ka governu no iha ajensia ruma, haree ba pozisaun sira ne’e ho responsabilidade, labele haree pozisaun sira ne’e hanesan oportunidade,

”wainhira ita bo’ot sira haree pozisaun sira hanesan oportunidade, mak ita sira sei la halo buat di’ak ba rai ida ne’e, no ita bo’ot sira sei la depende povu ida ne’e ba moris di’ak, maibe wainhira ita bo’ot haree pozisaun sira ho responsabilidade, mak ita bo’ot sira ba atu servi la’os atu ba ukun, importante ba ita bo’ot sira wanhira hetan pozisaun hateten, hau la ba ukun maibe ha’u atu ba servi, ha’u atu ba sai atan ba povu ida ne’e nia moris di’ak no dezenvolvimentu ba rai ida ne’e”, dehan Reitór.

Dekanu Fakuldade Saúde Públika, Sr. Martinus Nahak Lino, AMKL, Lic. SP.M.AP. hateten bele haksolok iha loron ida ohin, maibe loron ida tuir mai sei dezafius lubuk ida ne’ebé sei hasoru, maibe hasoru ho haksolok labele haksolok, labele hasoru ho tauk, tenki haksolok ho brani hanesan Magnifiku Reitór Universidade da Paz.

Nia Salienta, a futuru ida ne’e tenki hakiak iha espiritu brani espiritu susesu iha ema ida-idak nia vida moris, inan aman sira tau hela todan id aba imi nia kabas, simu ida ne’e ba hodi infrenta ba lala’ok moris nian, maibe ha’u inpresta liafuan ida husi Magnifiku Reitór katak, (MBA) Matenek, Badaen, Atitude, tenki sai exemplu di’ak ba sosiedade.

”Lalika duvida ba Fakuldade Saúde Públika iha Universidade da Paz, ema sira sai iha ne’e sei sai ema di’ak iha fatin ne’ebé de’it, tanba ne’e ha’u fiar imi atus rua ualu (208), sei sai ema di’ak iha fatin ne’ebé de’it”, Dekanu FSP Sr. Martinus.

Reprezentante Inan Aman Judisista, Sra. Julia Fatima Rebelo, parabens ba judisista sira tanba durante tinan haat nia laran buat la fasil, iha sofrementu lubuk ida ita bo’ot sira hala’o durante tinan haat nia lara la’os buat fasil, mai husi kontribuisaun hotu no apoiu husi familia, no ohin loron ita bo’ot sira bele susesu.

”Hanesan inan aman, ami gradese ba Universidade da Paz, tanba bele fó ona mahon ba iha ami nia oan sira durante tina haat nia laran hodi hala’o sira nia estudu ba iha Fakuldade Saúde Públika, ne’ebé la’o ho di’ak ohin finalmente ita bele hetan ita nia judidita atus rua ualu (208), agradese mós ba iha Dosente Fakuldade saúde Públika, tanba ho ita bo’ot sira nia laran luak no laran kmanek no konsiensia moral ne’ebé iha , ohin loron lori ita nia oan sira ba hetan finalidade”,Sra. Julia.

Reprezentante Judisita, Melisa Maria Madalena Amaral, Lic.,SP, hato’o ami nia sentimentu no agradsementu no sentimentu haksolok hodi espresa ami nia susesu durante tinan haat, ami hamutuk iha Universidade da Paz, liu-liu iha Fakuldade Saúde Públika.

”Loron ida ohin sai momentu historiku ba ami ida-idak nia moris iha vida akadémika, esforsu sira ne’ebé ami hala’o durante tinan haat nia laran ho prosesu sira ne’e hotu, nia finalidade mak ohin loron ami lubun ida ne’e hamrik iha ita bo’ot sira nia oin, hodi hato’o no hatudu katak ami iha duni komitmentu ida hodi kumpri no finaliza duni ami nia estudu iha UNPAZ”,Melisa.

Partisipa iha Serimónia Judisium Fakuldade Direitu, Magnifiku Reitór Universidade da Paz, Dr. Adolmando Soares Amaral,m Lic.Eco.,MM. Estrura Tomak Kompostu husi Pro Reitor sira, Dekau Fakuldade Neen, Xefe Deparatmentu sira, Reprezentante husi Prezidente Fundasaun Neon Metin, Diretór/a Unidade sira, Dosente, Funsionariu, Inan Aman, Komvidaus hotu, Judisista sira, inklui Estudante hotu iha UNPAZ.