FCSH UNPAZ REALIZA SEMINARIU TRANSITIONAL JUSTICE IN JERMANY

FCSH UNPAZ REALIZA SEMINARIU TRANSITIONAL JUSTICE IN JERMANY

Dili-Universidade da Paz (UNPAZ) nia Fakuldade Ciénsia Sociais Humana liuhusi departamentu relasaun internasionál nomós estudu ba paz, realiza seminariu Transitional Justice In Jermany, iha Aula Prof. Dr. Lucas da Costa (06/12).

Vise Reitór Asuntu Akademiku, Sr. Joaninho Xavier Hei, Lic. CSH. M. Ed. ne’ebeé reprezenta Magnifiku Reitór UNPAZ, hatete, ekipa husi Marburg University ne’ebé ita kopera ho sira iha tinan liuba, ita solok ona ita nia estudante kuage sanulu resin ona ba iha Germany nomós dosente balun ba hanorin iha ne’eba no agora sira haruka fali sira nia dosente mai hanorin fali iha ita nian.

Nia hatutan, Prof. Dr. Thorsten Bonacker, sei ko’alia liu kona-ba Transitional Justice iha Jermany no Dra. Eva Froneberg, sei ko’alia kona-ba Jeneru no Seguransa, ohin sira komesa ona fahe lisaun sira ne’e ba estudante sira husi departamentu rua hanesan, relasaun internasionál nomós estudu da paz.

“Tuir planu ba oin dosente sira barak sei ba Margurg University, tanba ne’e, ba estudante sira importante tebes, estudante sira bele iha esperiensia kona-ba saida mak akontese iha Jermany nomós issu sira kona-ba Jeneru no Seguransa, ida ne’e hanesan referensia ida aban bairua sira ba vizita iha Jerman karik sira mós bele hatene inklui ita nia dosente sira mós ba bele apriende buat foun”,dehan Vise.

Iha sorin seluk, Vise-Dekanu FCSH, Pendeta Samuel Carlos Ribeiro, SPh.,M.AP. salienta sira na’in rua sei ajuda no analiza kona-ba kurikulum ne’ebé uza no aplika iha deparatamentu esutudu da paz nomós relasaun internasionál.

“Husu ba estudante sira, ita bo’ot sira sei iha tempu barak atu apriende di’ak liu tán, apriende iha rai laran no aprinde mós iha rai seluk, tanba ne’e apriende ne’e, laiha limitasaun no sei la hotu, sei hotu bainhira ita nia ís kotu”,tenik Nia.

Entretantu iha seminariu ne’e, aprezenta materia husi, Prof. Dr. Thorsten Bonacker nomós Dra. Eva Froneberg, no partisipa masimu husi estrutura FCSH, ekipa programa SAUP UNPAZ, inklui estudante sira husi departamentu relasaun internasionál nomós estudu da Paz.