FCSH UNPAZ REALIZA ABERTURA EZAME OBRA SIENTIFIKU

FCSH UNPAZ REALIZA ABERTURA EZAME OBRA SIENTÍFIKU

Dili-Universidade da Paz (UNPAZ) liuhusi Fakuldade Ciênsia Soçiais Humana (CSH) hala'o Serimónia Abertura Ezame Obra Siéntifiku Tinan Akadémiku 2023, Departamentu Relasaun Internasional, Polítika Dezenvolvimentu, Estudu Ba Paz No Administrasaun Públika, Iha Aula FCSH (25/08).

Dekanu FCSH. Dr. Fernando Dias Gusmão, A.Md.,S.IP.,MAP. hateten finalista sira tarde liu, tanba ohin ita foin mak hahú ezame final obra sientifiku ba finalista na’in tolu, tanba ne’e ba finalista sira tempu la naruk ona to’o de’it setembru nia laran, labele liuhusi ida ne’e, tanba ne’e husu ba estudante tenki lalais hodi hakat ba ezame final ona.

Dekanu husu ba estudante sira prosesu peskiza hotu ona, tenki aselera ba iha analiza sira lalais ona, tanba tempu to’o de’it setembu ezame hotu, se mak to’o ida ne’e la hotu, pasensia hein ba tinan oin mai, tanba tuir kalendariu akadémiku dia 05 de Outubru naran tenki ba ona iha Ministeriu, nune’e bele gradua iha dia 05 de Novembru 2023.

“Hanesan imi nia aman no dekanu fó hanoin ba imi, atu bele aselera lalais ba iha prosesu hotu, hodi bele hakat ba ezame ona, se la koi aselera lalais mak ne’e, lebe fosala ba dosente sira iha loron ikus, tanba dosente sira mós iha atividade barak mak atu bele hala’o”,dehan Dekanu FCSH. Dr. Fernando.

Entretantu ezame dahuluk iha abertura ezame obra sientifiku ne’e mak hanesan:

1. António Assuncão Da Silva, husi Departamentu Administrasaun Públika, Titulu: Papel Diresaun Logistika Ministériu Saúde Hala'o Jestaun Atendimentu Material Eskritoriu No Ekipamentu Saúde ba Postu Saúde Munisipiu Dili.

2. Adalberto Fernandes, husi Departamentu Administrasaun Públika, Titulu: Estrategia Xefe Suku Aelebere Iha Prosesu Dezenvolvimentu Suku Iha Area Infrastrutura Irigasaun.

3. Aniceto Moniz De Jesus, hsui Departamemtu Administrasaun Públika, Titulu: Dinamika Ba Dezenvolvimentu Administrasaun publika iha Timor-Leste.

Iha serimónia abertura ezame obra sientifiku ne’e, loke direta husi Dekanu FCSH. Dr. Fernando Dias Gusmão, A.Md.,S.IP.,MAP. akompañ husi Estrutura Fakuldade, Dosente, inklui familia nomós Estudante sira.