FCSH SAI PRIMEIRU LUGAR IHA DEBATE PUBLIKU HO LIAN PORTUGUES

FCSH SAI PRIMEIRU LUGAR IHA DEBATE PÚBLIKU HO LIAN PORTUGUÊS

Dili-Universidade da Paz (UNPAZ), liu-husi senadu estudantil universidade servisu hamutuk ho Vice Reitora Assuntu Estudantil no Vice Reitora Assuntu Konsellu Sientifíku organiza debate publiku ho lian português entre estudante fakuldade ne’en (6) ne’ebé hamahan-an iha Universidade da Paz ho tema jeral ‘’O FORTALEÇIMENTO LINGUA PORTUGUÊS EM TIMOR LESTE DESAFIO E PROGRESSO’’, iha salaun Jose Casimiro (3/12/24).

Estudante Adelino dos Santos, nu’udar Presidente Komisaun organizadora relata iha aktividade ba loron daruak nian ne’e estrutura senadu estudantil jeral nafatin servisu hamutuk ho Vice Reitora Assuntu Estudantil no Vice Reitora Assuntu Konsellu Sientifiku, hodi organiza aktividade debate públiku ba loron ikus nian. No hahu horseik to’o ohin loron aktividade la’o ho diak. No buat hotu-hotu la'o ho di’ak mak presiza ita kolabora malu atu nune’e mobiliza maluk estudante sira hodi partisipa ativa iha aktividade refere, no ita hatene katak estudante barak dalaruma sira seidauk iha koñesementu di’ak, maibe iha balu koñesementu di’ak mak ne’e hanesan rekursu ida ne'ebé mak prepara durante hala’o estudu iha universidade ne’e rasik. Tematiku sira ne’ebe mak sira diskute ne’e ita hare ba realidade ohin loron nian, no ohin loron ema barak mak preokupa katak portugues ne’e difisil, maibe hanesan ema akademíku ita tenki esforsu an atu aprende, tamba ita hatene katak lingua mak hanesan fonte ida ne’ebe lori ita atu ba koñese ema hotu liu-liu iha mundu seluk.

Hanesan ema akademíku ita labele husik ita nia papel, ita labele aprende deit iha aula, maibé ita tenki aprende iha liur nomós iha diskusaun, tanba lingua ida ne’e hanesan lingua ida ne’ebe mak ofisial iha ita nia rai. Ami hanoin oinsa atu organiza kolega sira seluk liu husi aktividade extra sira hanesan ne’e maibe liu husi dalan ida ne’e atu promove estudante sira nia mentalidade, koñesimentu, mentalidade hodi hamrik iha plubiku mak ikus sira la duvida sira nia kapasidade.

Iha fatin hanesan estudante Ângela Maria dos Santos, reprezenta husi fakluldade CSH, hateten ami senti orgullu tebes tanba sai hanesan primeiru lugar iha aktividade debate publiku ne’e, no liu husi kolega sira nia kolaborasaun no ajuda no fo hanoin mai ami hodi halo preparasaun maximu los, no konsege ohin loron ami bele hetan primeiru lugar iha debate ida ne’e. No lingua português ne’e hanesan lingua offisial ida iha nasaun Timor-Leste ne’ebé durante ita aprende husi pre-sekundaria mai to’o iha universidade mos ita nafatin aprende, no ha’u kontenti tebes bele espresa sai lingua ne’ebé durante ne’e ami aprende.

Entretantu iha diskursu públiku ne’e, Fakuldade CSH 1º Lugar ho valor 83.2, Fakuldade Ekonomia 2º Lugar ho valor 80,6, Fakuldade Direitu 3º Lugar 80,5, Fakuldade FSPeCM 4º Lugar ho valor 71,5, Fakuldade Teknologia Agrikola 5º Lugar ho valor 69,2, Fakuldade Enjeñaria 6º Lugar ho valor 64,8.

Partisipa iha aktividade refere, Vice Reitora Assuntu Estudantil, Vice Reitora Assuntu

Konsellu Sientifíku, Senadu Estudantil Universidade ho estrutura nomós Senadu

Estudantil Fakuldade ne’en ho estrutura, Debator sira husi fakuldade ne’en, inklui sivitas akadémiku sira hotu iha Universidade da Paz.