FCSH REALIZA WORKSHOP BA REVIZAUN KURIKULUM

FCSH REALIZA WORKSHOP BA REVIZAUN KURIKULUM

Dili-Universidade da Paz (UNPAZ) liuhusi Fakuldade Ciensia Sociais Humana (CSH) hala'o Workshop ba revizaun kurikulum prosesu aprendizajen ba iha Departamentu haat hanesan, Relasaun Internasionál, Estudu da Paz, Polítika Dezenvolvimentu no Administrasaun Públika, iha Aula FCSH (13/01)2024).

Dekanu FCSH, Dr. Fernando Dias Gusmão, A. Md.,S.IP., MA. hateten revizaun kurikulum ne’ebé ohin loron FCSH hala’o bazeia ba buat rua, primeiru bazeia ba rezultadu workshop iha Lospalos Com, ne’ebé fó hanoin fila katak iha prosesu akreditasaun sira uluk, iha rekomendasaun para oinsa ita bele atualiza kurikulum, segundu mak ita agora iha lei kona-ba kurikulum padraun nasionál ninian, ne’ebé maka universidade sira hotu-hotu tenki hatuir ba ida ne’e.

“Ho ida ne’e mak ohin FCSH halo workshop para atu haree fila fali materia sira ne’ebé mak durante ne’e oferse ba estudante sira ne’e, materia sira ne’e sei relevante/ iha materia balu ne’ebé presiza ona ita halo subtituisaun ho materia foun sira seluk, tanba dezenvolvimentu mundu ne’e la’o maka’as, tanba ohin loron kestaun de teknologia la’o maka’as ho buat sira ne’e hotu sai referensia, oinsa ita bele deside ita nia kurikulum ne’e bele atualiza katak, kurikulum ida ne’ebé bazeia ba kondisõens no situasaun iha mundu liu-liu iha ita nia rai laran’,tenik.

Lídera masimu ne’e, esplika ohin departamentu sira aprezenta draf/kurikulum foun, fakuldade no dosente sira hotu konsege deskute no haree iha mudansas, ezemplu hanesan materia ba liderasa ne’e importante tebes, tanba ita nia rai atu la’o ba oin tenki iha lideransa ne’ebé mak di’ak, oinsa bele transforma nia hanoin ba ema seluk ne’e liuhusi maneira atu halo komunikasaun nomós ita nia rai hanesan nasaun ida ne’ebé foin sai husi komflitu, oinsa ita bele hari’I paz iha ita nia rai, buat sira ne’e hotu mak presiza ita introdus iha kurikulum foun FCSH.

Entretantu partisipa iha revizaun kurikulum FCSH ne’e, Vise Reitór Asuntu Akadémiku, Dr. Joaninho Xavier Hei, Lic. CSH, M.Ed.,PhD. Dekanu FCSH, Dr. Fernando Dias Gusmão, A. Md.,S.IP., MA. ho Xefe Departamentu sira nomós Dosente sira hotu.