FCSH REALIZA SERIMONIA JUDISIUM BA FINALISTA NAIN 265

FCSH REALIZA SERIMONIA JUDISIUM BA FINALISTA NAIN 265

Dili-Universidade da Paz (UNPAZ) liuhusi Fakuldade Ciensia Sociais Humana, realiza Serimónia Solene Judisium Tinan Akadémiku 2023, ho total finalista atus rua neen nulu resin lima (265) ba Departamentu Relasaun Internasionál, Polítika Dezenvolvimentu Ba Dala XVII, Estudu ba Paz Ba Dala X No Administrasaun Públika Ba Da I, ho tema “Matenek Hodi Servi Povu No Nasaun Ho Responsabilidade”,iha Salaun Jose Kasimiru (27/11).

Magnífiku Reitór Universidade da Paz, Dr. Adolmando Soares Amaral, Lic. Eco.,MM. hateten ohin ita boot sira tuir iha ne’e, tanba ema lubun ida iha kotuk ne’eba mak halo sakrifisiu mak ohin ita boot sira bele mai tuir serimónia solene ida ne’e, tanba ne’e ha’u husu ba imi na’in hira ne’ebé tur iha ne’e, labele moe ba inan aman nia moris ida agora, maibe imi tenki moe ba, bainhira imi susesu tiha, sei nafatin halo susar inan aman, ne’e imi tenki moe, tanba ne’e ha’u husu ba imi se bele halo inan aman kontente di’ak liu halo, duke ba halo fali ema seluk konten ida ne’e haree husi nia esperiensia ne’ebé mak iha, maibe atu halo inan aman kontente no hamnasa ohin, tanba mai ho sakrifisiu no investimentu lubuk ida, tanba ne’e, momentu ida ohin, para halo hamnasa no kontente ba imi nia susesu.

“Imi aprende siensia no teknologia durante tinan haat iha ne’e, ohin fakuldfade entrega ita boot sira mai iha universidade, hodi realiza graduasaun ba imi iha dia 01-02, hodi husik imi ba iha komunidade, siensia no teknologia ne’ebé imi aprende halo netik buat ruma ba povu no rai ida ne’e, basa povu no rai ida ne’e hein hela ita boot sira-nia asaun, ha’u nafatin husu ba ita boot sira, bainhira husik hela universidade ida ne’e ba moris hamutuk ho komunidade, hetan oportunidade ruma iha instituisaun públiku no privadu, konsidera pozisaun ne’e, hanesan responsabilidade, labele konsidera hanesan oportunidade”,dehan Reitór.

Nia hatutan, ba povu no rai ne’e labele ema ida mesak, tenki ita hotu hamutuk mak bele halo buat ruma ba povu no rai ida ne’e, kestaun ohin ami iha ne’e, tanba tempu, ami horseik, imi foin ohin, se ita hotu horseik, imi mós la iha ne’ebá, ami mós la mai iha ne’e, tanba ne’e ami ida horseik iha responsabilidade moral ba saida mak ami hetan ba ita boot sira, ami fiar katak, iha tempu sira tuir mai, ita boot sira fahe tutan no ita bele halo buat di’ak ba povu no rai ida ne’e.

Reprezenta Prezidente FNM, Dr. Jose Cornelio Guterres, MA. Ph.D. katak, aprende iha UNPAZ ita liuhusi sirkulu de aprendizajen, se ita hanoin fila fali ba kotuk iha fofoun tama mai, imi kuandu hatais faru mutin no kalsa metan no foer iha kampu laran ne’e, iha momentu ida ne’e ita liuhusi sirkulus ida, komunidade no povu fó fiar mai iha UNPAZ, depois universidade entrega imi ba iha fakuldade, liuhusi misaun prinsipal tolu ne’ebé hala’o ona, aprende teoria, peskiza no servisu komunitariu, maibe ho misaun prinsipal sira ne’e, imi konsege konklui ona. Ohin fakuldade entrega imi ba universidade depois de universidade hala’o graduasaun ba imi, hodi entrega imi ba iha komunidade.

Dekanu FCSH, Dr. Fernando Dias Gusmão, A.Md.,S.IP.,MAP. hateten ohin marka tan loron historiku ida ba ita boot sira, ne’ebé ohin selebra judisium, fakuldade tinan-tinan sempre organiza judisium, ne’e marku ida importante katak, oan sira remata ona prosesu estudu iha FCSH, maibe imi fila ba inan aman ba ita komunidade, iha buat rua mak sei halo, dahuluk aplika matenek, badaen ne’ebé mak hetan ona iha FCSH no Universidade da Paz, segunu kontinua aprende nafatin, tanba ita sei moris ita sei aprende bei-beik, nune’e bele aumenta matenek hodi kontribui ba ita nia rai.

“Ita nia rai presiza ita hotu nia kontribuisaun, ituan ka barak, Ki’ik ka boot, ita ida-idak kontribui, tanba nasaun presiza ida ne’e, matenek ne’ebé imi dalaruma lasufisiente, para imi atu halo buat boot, maibe ha’u fiark kartak, kontribui ba buat ki’ik, aban bairua sei sai buat boot. Lori fakuldade nia naran, hato’o parabens ba oan sira hotu no ba inan aman, tanba esforsu ne’ebéi mi halo durante tinan 4/5 ohin hetan susesu, tanba ne’e paraben ba imi hotu”,dehan tekin Dekanu FCSH.

Reprezenta Inan Aman Judisista, Sr. Sabino Tabares Maia, agradese ba manorin na’in sira hotu iha UNPAZ, ne’ebé durante ne’e, dedika an no tempu tomak, hodi fahe matenek ba ami nia oan sira, ohin loron hatudu rezultadu, ami inan aman asiste sira-nia susesu ida ne’e, ami nia oan sira-nia susesu ida ne’e la ses husi ita hotu nia apoiu, koragen moral no ohin loron ita hotu bele asiste direita oan sira-nia susesu iha fatin ida ne’e, tanba ne’e reprezenta inan aman judisista sira hotu hato’o agradese.

Reprezenta Judisista sira, Ivonia Julmira Maria dos Santos, hato’o obrigadu wi’in ba manorin na’in sira, iha uma boot kampus UNPAZ ne’ebé sai knuk matenek nian ba ita judisista sira, hodi bele buka no haklean, matenek, badaen no atitude liuhusi prosesu aprendisazajen durante tinan haat nia laran, solok bo’o ohin matenek ida ne’e hanesan bee, ne’ebé ita ida-idak kuru ituan-ituan, iha Universidade da Paz no hatudu liuhusi titulu akadémika lisensiatura.

“Belun judisista sira hotu, lasala ita hili UNPAZ sai hanesan knua matenek nian, ba sira ne’e hotu ami hato’o agradse, tanba ne’e, belun judisista sira hotu, ita hotu kosiente katak, hahu ohin ba oin, bukae matenek nian ne’ebé nu’udar naha todan ba ita ida-idak nia kabas, hanesan rsponsabilidade ba ita nia an rasik no familia ba komunidade nomós ba rai timot-leste”,dehan Judisist.

Entretantu serimónia judisium FCSH ne’e, partisipa husi, Magnífiku Reitór Universidade da Paz, Dr. Adolmando Soares Amaral, Lic. Eco.,MM. Reprezenta husi FNM, Dr. Jose Cornelio Guterres, MA. Ph.D. ho Komitiva tomak, Sekretariu Geral, g7+ (Dr. Helder da Costa), Estrutura Universidade ne’ebé kompostu husi Dekanu Fakuldade Neen, ho estrutura tomak fakuldade nian, Vise-Reitores sira, Pro-Reitor sira, Diretór/a Unidade sira, Dosente Funsionariu, Inan aman ho familia sira hotu inklui sivitas Akadémiku Universidade da Paz.