FCSH REALIZA ATIVIDADE HAMUTUK HO PROGRAMA ESTUDU SOSIOLOGIA HUSI UNDANA

FCSH REALIZA ATIVIDADE HAMUTUK HO PROGRAMA ESTUDU SOSIOLOGIA HUSI UNDANA

Dili-Universidade da Paz (UNPAZ) nia Faculdade Ciência Sociais liu husi Departamentu Relasaun Internasional, Universidade da Paz realiza atividade hamutuk ho Programa Estudo Sosiologia husi UNDANA, Kupang kona-ba “Kolaborasi Pengabdian Pada Masyarakat” iha area Fronteira Mota-ain. (07/09) semana kotuk.

Atividade ida ne’e nu'udar realizasaun ba Kooperasaun entre Fakuldade Ciência Sociais e Humanas, UNPAZ, Timor-Leste ho Fakultas Ilmu Sosial dan Polítika, UNDANA, Kupang Indonesia liuhusi Programa Estudu Relasaun Internasional no Sosiologi.

Programa sira ne’ebé halao husi estudante no Dosente sira husi Programa Estudu rua ne’e durante loron ida (07/09/2023) iha Desa Silawan, Atambua mak hanesan:

Halao sosializasaun ba Komunidade sira ne’eb’e ma hela iha area fronteira, liu-liu iha Desa Silawa. Iha Sosializasaun ne’e reprezentante orador na’in rua; Deacano Faculdade CSH reprezenta Departamentu Relasaun UNPAZ ne’ebé koalia kona-ba relasaun entre sosiedade sira husi Nasaun rua haree husi perspetiva Relasaun Internasional. Enkuantu, orador ida seluk reprezenta husi Dosente Programa Estudo Sosiologi UNDANA Kupang koalia kona-ba interasaun social hare husi perspetiva sosiologia.

Realiza mos atividade jogu amizade: iha jogu ne’e involve mos estudante, dosente no komunidade sira iha Desa silawa. Jogu amizade ida ne’e realiza atu hametin liu tan relasaun diak entre estudante, Dosente no komunidade sira husi Timor-Leste no Indonesia.

Hafoin atividade rua ne’e, realiza mos asina nota de entendemento entre Xefe Departamentu husi Programa Estudo Relasaun Internasional, UNPAZ ho Prodi Sosiologi UNDANA Kupang.

Ikus liu, iha kalan realiza mós noite cultural iha ne’ebé estudante sira husi Programa Estudo rua ne’e hatudu sira-nia dansa cultural ne’ebé mak reprezenta identidade nasaun rua nian. Dansa kultural ida ne’e nu'udar mos parte importante ida husi kolaborasaun entre programa estudu rua ne’e iha ne’ebé emfaze liu ba cross cultural exchange.

Atividade ne’e hetan partisipasaun maximu husi estudante no dosente sira husi UNPAZ, Timor-Leste no UNDANA Kupang, Indonesia inklui komunidade husi Desa Silawan.