FCSH ORGANIZA ATIVIDADE (BINA-AKTAB) HODI HAMETIN AMIZADE ESTUDANTE SIRA NIAN

FCSH ORGANIZA ATIVIDADE (BINA-AKTAB) HODI HAMETIN AMIZADE ESTUDANTE SIRA NIAN

MAUBESE, Universidade da Paz (UNPAZ) liuhusi Senadu Estudantil Fakuldade Siénsia Sosiais Humana, realiza atividade Lasu Amizade(Bina Akrab) entre departamentu haat ne’ebé konsentra iha Fakuldade Ciensia Sociais Humana hahu husi Semester 2 ate 8 ho nia Tema Jeral “Hametin Esperansa Estudante nian ba Eko-social liuhusi Atividade Extrakurikuler” ne’ebé Realiza iha eskola EBC Riamori Maubisse durante loron Rua nia laran husi Dia 23/08/2024 ate 24/08/2024.

Objetivu husi Atividade ne'e, oinsa atu Hametin relasaun Amizade ida ke Mutua entre Estudante sira liuhusi Programa Prinsipal sira hanesan Seminariu Reflesaun, Poezia , Diskusaun , Divertimentu no Vizita fatin Relijiozu Na'in Feto Rabilau. Nomós Iha Kalan Reflesaun Ita Lori Estudante sira atu Oinsa Refleta fila fali Prosesu Timor-leste nia Independensia ba Luta libertasaun Patria ne'ebé ho dalan Konsulta Popular iha Tinan 1999.

Reflesaun ne'e rasik Lori husi Irmaun Nico ho nia tema " 30 de agosto 1999" . Aleinde nemós ita lori estudante sira hodi Refleta ba Kondisaun moris ema nu'udar humanidade liuhusi Tema "Belun", "Domin" ne'ebé lori husi IrmaunPapua no Tema seluk mak "Mahasiswa" ne'ebé deskreve husi Ativista Nazbudin, lori husi Irma Flovy.

Atividade Seluk ne'ebé Nu'udar mós Parte Prinsipal husi Programa refere mak atividade Vizita "Nain Feto Rabilau" Prosesu vizitasaun nian estudante sira hahu Aranka Husi Fatin Deskansa(Eskola Riamori) ba Rabilau ho Durasaun Tempu Uma(1) hora. E antes atu hakat ba Vizita Na'in Feto Rabilau Estudante sira hetan Serimónia Tradisaun husi Lia Na'in sira ho Bua Malus ho Objetivu atu Proteje no Assegura estudante sira Durante hala'o Vizitasaun, Serimónia ne'e rasik Akompaña Direta Husi Autoridade Lokal no Manorin sira.

Hafoin de Vizita Na'in Feto Rabilau , Estudante sira fila ba Eskola Riamori hodi Prepara ba Seminariu. Seminariu refere Lori husi Oradór na'in Rua, Oradór I Xefe Suku Sr.. Wilson ho nia Sub tema "Valor no obstakulu husi estabelesimentu turismu Religiosu na'in feto Rabilau" no Oradór Segundu Irmaun Caetano Silveiro(Atay) ho nia sub tema "observasaun Akadémika nian ba mudansa klimatiku iha Timor-Leste".

Ho Prosesu Atividade Bina-Arab durante loron rua hetan Assegurasaun Maximu husi Autoridade Lokal Sira, Manorin sira , Komunidade nomós Polisia Eskuadra Postu Admistrativu Maubise Husi Hahu to'o Remata.