FAKULDADE TEKNOLOGIA AGRIKOLA NIA ESTUDANTE SIRA BA HALO PRATIKA IHA LIQUICA

FAKULDADE TEKNOLOGIA AGRIKOLA NIA ESTUDANTE SIRA BA HALO PRATIKA IHA LIQUIÇA.

Diili-Universidade da Paz, (UNPAZ) liu-husi Fakuldade Teknologia Agrikola halo despedida ba estudante na'in 49 hodi dezloka ba Munisipiu Liquica, hala'o sira nia atividade pratika iha terenu durante semana rua, atividade ne’e realiza iha Salaun José Casimiro, 26/01/23.

Magnifiku Reitór Dr. Adolmando Soares Amaral, Lic.Eco.,MM, ohin ita bo’ot sira atu dezloka ba ita nia kampus Liquica ho meus atu ba pratika iha ne'eba, tuir lolos ne’e atividade sira hanesan ne’e, ita halo iha semester par, maibe ita iha mudansa ituan ba sira ne’ebé tuir fali mai ne’e, ita tenke lao nafatin tuir kalendariu Fakuldade teknologia Agrikola nian.

"Imi sira ne’ebé maka disidi nó hili Fakuldade Teknologia Agrikola ne’e, imi sira ne’e maka iha futuru oin mai karik ita nia mina no gas maran, imi maka sei sai alternativa para atu bele fó solusaun ba kresimentu ekonomia iha rai ida ne’e, tamba ita konsidera mós agrikultura bele sai hanesan pilar importante ida iha rai ida ne’e, tamba saida maka hau dehan hanesan ne’e, ita horseik ita fó teste ba ita nia kolega kandidatu estudante foun ba tinan Akadémiku 2023, nian ema hamutuk 2.145, maibe númeru Fakuldade Teknologia Agrikola ne’e sei ki’ik nafatin"tenik husi Reitór.

Reforsa tan husi Fakuldade teknologia Agrikola nian Sr. Joni dos Santos, Lic.Tec.,M.Agr. hanesan ohin ha'u hateten katak iha tinan ida ne’e la liu fulan ne’en fulan ha’at sira hanesan ne’e depois de imi ba semester par imi kontinua ba halo pratika ba segundu faze ninian, ida ne’e maka hau atu informa hela ba Magnifiku Reitór atu bele hatene, tamba ami tinan-tinan la perna realiza atividade estajiu iha fulan Janeiru ka fulan Fevreiru nia laran sempre realiza iha fulan Abril ou Maiu, maibe tinan ida ne’e iha mudansa ituan hateten husi Dekanu.

Partisipa iha atividade ne’e husi Magnifiku Reitór Dr. Adolmando Soares Amaral, Lic.Eco.,MM, Dekanu Fakuldade teknologia Agrikola nian Sr. Joni dos Santos, Lic.Tec.,M.Agr, nó nia estrutura, inklui mos estudante sira.