![FAKULDADE TEKNIKU UNIVERSIDADE WARMADEWA BALI, PRONTU APOIU PROGRAMA ESTUDO MESTRADU IHA FAKULDADE E](https://unpaz.tl/asset/foto_berita/422.jpg)
FAKULDADE TEKNIKU UNIVERSIDADE WARMADEWA BALI, PRONTU APOIU PROGRAMA ESTUDO MESTRADU IHA FAKULDADE ENJEÑARIA UNPAZ”
Universidade da Paz (UNPAZ) liu-husi Fakuldade Enjenaria Universidade da Paz Timor Leste, no Universidade Warmadewa Bali Indonesia, iha sorumutu ne'e koalia liu kona-ba oinsa iha futuru Universidade rua ne'e bele servisu hamutuk, liu-husi etudus komparativus ba programa Mestradu nian, pulikasaun jurnal no seluk-seluk tan, atividade ne'e realiza iha Salaun Fakuldade teknika Universidade Warmadewa Bali, 06/02/2023/ horseik.
Hato’o husi Prof. Wayan Runa ho estrutura hateten katak Fakuldade Teknik Universidade Warmadewa apresia ho Universidade da Paz ne’ebe iha inisiativa hodi deside Fakuldade Teknika warmadewa nudar fatin ba ekipa Unpaz hodi halo estudus komparativa ba programa mestradu enjenaria unpaz. Prof. Wayan hatutan Fakuldade Teknik Warmadewa prontu atu akompaña no apoiu rekursu humanu iha nivel Mestradu inklui mos Doutoramentu.
Karik iha futuru UNPAZ sei kontinua loke tan kursu ba Doutoramentu Enjenaria nian, no iha tempu badak fakuldade rua sei asina MoA hodi implementa programa sira konaba kapasitasaun rekursus humanu, Joint Lecturer, Joint Research Review no Publikasaun Jurnal hamutuk.
Partisipa iha sorumutu ne’e Dekanu ho nia Estrutura Fakuldade Teknika Universidade Warmadewa, Dekanu Fakuldade Enjeñaria Unpaz Jose Manuel Maniquin, AP., Lic. Eng., M.Eng ne’ebe akompaña husi Vise Dekanu Assuntus Akademiku Domingos Santos Soares, Lic.Tec.,M.Ars, Xefe Departamentu Arkitetura Raja Dominiku Martins Soares Amaral, Lic.Tec.,M.Ars, no Xefe Departamentu Enjeñaria Industria Jeronimo da Silva, Lic.Eng.,M.Eng.
![](chrome-extension://ikdkbkbkdgffkcngafilhnamkgknlekc/logo/48.png)