FAKULDADE TEKNIKU UNIVERSIDADE BRAWIJAYA MALANG, PRONTU APOIU PROGRAMA ESTUDU MESTRADU IHA FAKULDADE

FAKULDADE TEKNIKU UNIVERSIDADE BRAWIJAYA MALANG, PRONTU APOIU PROGRAMA ESTUDU MESTRADU IHA FAKULDADE ENJEÑARIA UNPAZ

Dili-Universidde da Paz (UNPAZ) liuhusi Dekanu Fakuldade Teknika Universidade Brawijaya, Malang Prof. Ir. Hadi Suryono, S.T., MT., Ph.D, ba iha Dekanu Fakuldade Enjeñaria UNPAZ , Sr. Jose Manuel Maniquin, AP., Lic. Eng., M.Eng, ho nia ekipa iha serimonia assina Nota Intendementu iha salaun Fakuldade Teknika Universidade Brawijaya, Malang iha loron Sexta-feira, 03 Fevereiru 2023.

Iha okaziaun ne’e Prof. Ir. Hadi Suryono hateten katak, Universidade Brawijaya liuhusi Fakuldade Teknika prontu apoiu Rekursus Humanu ne’ebé ho kualifikasaun no experensia iha área Arkitetura, Enjeñaria Industria no Enjeñaria Sivil, hodi bele realiza programa Mestradu iha Fakuldade Enjeñaria Unpaz.

Iha fatin hanesan Dekanu Fakuldade Enjeñaria UNPAZ, agradese tanba hetan apoiu entermos Rekursus Humanu hodi bele reforsa di’ak liu tán ba programa estudu Mestradu iha futuru, alende ne’e liuhusi Nota Intendementu bele hala’o atividades hamutuk hanesan Joint Lecturer, Joint Research Review no Publikasaun Jurnal hamutuk.

Hafoin assina Nota Intendementu ekipa Fakuldade Enjeñaria UNPAZ hala’o Site Visit ba iha Estudiu Dezeñu Arkitetura, Laboratóriu Enjeñaria Industria no Laboratóriu Enjeñaria Sivil Fakuldade Teknika Universidade Brawijaya.

Partisipa iha serimonia assina Nota Intendementu ne’e Dekanu ho nia Estrutura Fakuldade Teknika Universidade Brawijaya, Dekanu Fakuldade Enjeñaria Unpaz Sr. Jose Manuel Maniquin, AP., Lic. Eng., M.Eng ne’ebé akompaña husi Vise Dekanu Assuntus Akademiku Domingos Santos Soares, Lic.Tec.,M.Ars, Xefe Departamentu Arkitetura Raja Dominiku Martins Soares Amaral, Lic.Tec.,M.Ars, no Xefe Departamentu Enjeñaria Industria Jeronimo da Silva, Lic.Eng.,M.Eng.