FAKULDADE SIRA NAFATIN ESFORSU HODI FINALZIA MORU IHA KAMPUS B LIQUISA

FAKULDADE SIRA NAFATIN ESFORSU HODI FINALZIA MORU IHA KAMPUS B LIQUISA

Dili-Universidade da Paz (UNPAZ) nia Fakuldade sira nafatin esfosu hodi hala’o konstrusaun moru, bazeia ba despaisu universidade ne’ebé mak hasai liuhusi rekursu humanu hodi apoiu servisu ne’ebé seidauk finaliza husi estudante estájiadus tinan akadémiku 2023, iha Kampus B UNPAZ Liquisa (24/04).

Dekanu Fakuldade Direitu, Dr. Leonito Ribeiro SH.,MH. hateten fakuldade aplika polítika universidade nian ne’ebé mak liuhusi serkular dosente sira hodi aijuda estájiu sosiais tinan akadémiku 2023, iha kampus UNPAZ B Liquisa, tanba tempu ne’ebé mak limitadu estudante sira labele finaliza ho ida ne’e mak husu forsa husi dosente kada fakuldade atu bele konklui planu ne’ebé mak universidade iha.

“Fakuldade direitu nia dosente funsionariu nomós apoiu husi estudante sira nafatin esforsu hodi hala’o servisu, maske ho ami nia forsa ne’ebé mak limitadu, maibe ami espera tuir planu ne’ebé mak iha, ami sei konklui tuir data determinadu”,dehan Dekanu Fakuldfade Direitu.

Iha fatin hanesan, Primeiru Vise Dekanu FTA, Sr. Romaldo Martins, Lic.Agr. M.,Agr. hatutan bazeia ba despaisu ne’ebé mak hasai husi universidade liuhusi rekursu humanu katak, fakuldade ida-idak sei apoiu servisu ne’ebé mak seidauk remata husi estájiadus sira iha Kampus B UNPAZ Liquisa, tanba ne’e mak ami fakuldade nafatin hala’o ami nia atividade tuir orientasaun ne’ebé mak iha.

“Ami nafatin esforsu tanba tuir data ne’ebé mak iha, dia 27 tenki finaliza ona atividade ida ne’e, ho ida ne’e mak ami nafatin kolabora ho ami nia estudante sira, atu bele servisu apoiu nafatin ami, hodi bele finalzia lalais atividade ida ne’e”,Nia Informa.

Entretantu turi observasaun média nia iha terenu katak, husi parte universidade no Unidade sira nomós fakuldade ida-idak nafatin servisu tuir grupu ne’ebé mak fahe ona, inklui estudante estájiadus sira.