FAKULDADE SAUDE PUBLIKA HALAO MISA AGRADESIMENTU

Dili 11 de Dezembro 2020

FAKULDADE SAÚDE PÚBLIKA HALA’O MISA AGRADESIMENTU

Universidade da Paz-Liuhusi nia Fakuldade Saude Públika hala’o Misa Agradesimentu ba Finalista Sira ba tina nee, iha Salaun José Casimiro (11/12) foin lalais ne’e.

Liuhusi misa agradesimentu ne’e, Padre Jose Taec, iha nia omelia hateten, misa Selebrasaun ohin nu'udar selebrasaun Eukaristia  nian Estudante sira susessu no esforsu tomak ne’ebé Saúde Públika iha, hodi haklaken matenek sira ne’ebe iha hanesan Saun João Baptista nian.

“Ohin ita selebra Eukaristia liuhusi Fakuldade Saúde Públika hodi hasa’e agradesimentu ba buat hotu-hotu liu-liu ba esforsu no susessu ne’ebé ita halo ona, ho razaun prinsípal figura husi Universidade da Paz mak sei hatudu kona-ba paz liu-liu estudante sira atu la’o tuir vizaun no misaun universidade nian, liga ba Saun João Baptista nian katak Corpos dosentes lori figura no akompaña ona estudante sira durante tinan barak hodi fahe ona matenek no sei haklaken mós buat di’ak  ne’ebé iha ba sosiedade sira”, dehan Padre José.

 Dekano Fakuldade Saúde Públika Sr.Martinus Nahak Lino, A.MKI., Lic. SP., M. AP. Mós haktuir kada tinan sempre  husu misa ba finalista sira wainhira finaliza ona sira nia estudu hodi tama ba Gradusaun nian no hanesan ema fiar na’in sempre agradese ba maromak ba buat hotu ne'ebé iha hodi estudante sira bele finaliza sira nia estudu  ho grasa Maromak nian, dehan Dekanu.

Iha sorin seluk  Judisiária Angela M. I. Freitas Belo, mós salienta, Senti kontenti tebes,  tanba durante tinan haat nia laran ohin bele partisipasa ona iha misa agradesementu ne’e, espesial tebes ba ami judisiariu sira hotu husi Fakuldade Saúde Públika durante tinan haat hala’o ona estudu iha Universidade da Paz, dehan Angela.

 Partisipasaun husi misa ne’e mak Dekanu ho nia Funsionáriu  sira husi Fakuldade Saúde Públika, na’in Dosentes sira no mós estudante Finalista sira hotu husi Fakuldade Saúde Públika.