FAKULDADE RUA OHIN MUDA BA LIQUISA

Dili 25 de Janeiro 2021

FAKULDADE RUA OHIN MUDA BA LIQUISA

Dili-Universidade da Paz (UNPAZ), Liuhusi Fakuldade Teknologia Agrikla no Fakuldade Engenaria, ohin muda ona ba kampus sanak UNPAZ Liquisa, bazeia ba orden husi Universidade, iha kampus UNPAZ (25/01).

Iha fatin hanesan, Dekanu Fakuldade Teknologia Agrikola Sr. Joni dos Santos, Lic. Tec. Agr.,M. Agr. hateten ita la’os foin dadauk ne’e mak iha orientasaun muda ba Liquisa, maibe antes ne’e ita nia programa estudu liu-liu ba prátika  laboratorium no prátika terenu nian ita aloka ona estudante sira ba, tanba laboratorium fiksu ona iha Kampus Liquisa.

Nia hatutan, iha ona desizaun husi Universidade orienta Fakuldade Teknologia Agrikola, hamutuk ho Fakuldade Engenaria, tenki desloka ba iha Liquisa hodi kontinua prosesu aprendisajem, tantu teória no prátika, tanba ita tuir regulamentu ne’ebé mak hatun husi Universidade.

‘’Ohin loron ikus ita iha kampus ne’e, hodi mobiliza sasan sira no organiza estudante sira lori ba hotu iha Liquisa, tanba uluk ita nia laboratorium prosesamentu iha ne’e, horseik ita halo ona asina ba Fakuldade Teknologia Agriola no Fakuldade Engenaria, ohin Fakuldade Agrikola desloka ona sasan iha laboratorium ne’ebé durante ne’e utiliza ba fali iha kampus Liquisa’’, dehan Dekanu Joni.