FAKULDADE ENJEÑARIA UNPAZ REALIZA SEMINÁRIU INTERNASIONÁL
Dili-Universidade da Paz (UNPAZ) liuhusi Fakuldade Enjeñaria hala’o seminariu hamutuk ho Universitas Warmadewa, liuhusi kooperasaun asina MoU no MoA, ne’ebé hala’o iha tinan kotuk, hodi implementa programa sira hanesan prosesu apriendizajen, peskiza, no servisu komunitariu, iha Aula Prof. Dr. Lucas da Costa (26/06).
Dekanu Fakuldade Enjeñaria, Sr. José Manuel Maniquin, AP.,Lic. Eng. M.,Eng. hateten objetivu husi seminariu internasionál ohin ne’e, ita realiza, tanba ita tau ona iha akordu understanding, entre UNPAZ ho Wrmadewa, liga ho implementasaun asuntu tékniku, nomós fakuldade ho fakuldade, iha Memorandum of Agreemant, tanba entre dokumentus ho fakuldade rua ne’e, iha nia konteudu hakerek kona-ba aspeitu tolu mak hanesan, prosesu apriendizajen, peskiza, no servisu komunitariu.
“Ninia implementasaun liga ho akordu refere, ita hala’o ona iha tinan kotuk liubá, liuhusi kapasitasaun doentes sira nian, ne’ebé ita haruka ita nia dosentes na’in hitu (7) ba kontinua estudu maestradu iha Universitas Warmadewa, liu-liu iha programa estudu MRI no ida tán mak join-research, peskiza ne’ebé ita hala’o iha tinan kotuk no tinan ida ne’e mós ita nafatin la’o, ba oin ita sei implementa kona-ba servisu komunitária entre parte rua, depende ba asuntu tékniku ne’ebé ita atu deside ne’e iha ne’ebé, mekanizmu oinsá ne’e ita seidauk, seminariu ida papste ba iha akordu ne’ebé husi universidader rua implementa”,dehan Maniquin.
Nia esklarese liu tán, semináriu ne’e faz parte husi ida ne’e, ohin ita konvida ita nia parseiru sira mai atu fahe esperiensia no koñesimentu área sira ne’ebé iha, ba ita nia dosentes no estudantes sira ne’ebé iha. Nune’e ita bele hetan siénsia seluk, espera ba futuru dosenets sira husi enjeñaria kompostu husi departamentu tolu ne’e, bele mós fó palestra iha universidade Warmadewa, fizikamente bele ba iha ne’eba I bele mós liuhusi via-online.
Sorin seluk, Dekanu Fakultas Teknik-Warmadewa, Prof. Dr. Ir. Wayn Rona, M.T. informa ohin foin primeira-ves mai iha Timor-Leste, ha’u mai ho Dr. Agus iha universidade da paz, ho objetivu ida katak, atu fahe siénsia ne’ebé maka ita hetan ba malu, tuir komprimisiu entre Universitas Warmadewa ho Universidade da Paz, akordu liu-husi MoU, tuir planu katak ita nia servisu hamutuk iha Departamentu tolu, maka hanesan Departamentu Arkitetura, Indústria no Departamentu Enjeñaria Sivil.
Ohin hau sente orgullu, tanba ita nia servisu hamutuk entre Universitas Warmadewa Baly Indonesia, no Universidade da Paz Dili Timor Leste, ha’u fiar katak, sei la’o ba oin tuir akordu ne’ebé maka ita selebra hamutuk tiha ona, ha’u hanesan Dekanu iha Fakuldade Enjeñaria iha Warmadewa, ha’u nia mandatu sei termina iha fulan Dezembru agora, maibe ita sei nafatin servisu hamutuk iha área enjeñaria ninian iha futuru oin mai, tanba lídera instituisaun akadémika liu-liu siénsia ne’e reponsabilidade ita hotu nian, ba nasaun no povu presiza ita nia servisu hamutuk, maka bele atinji nia objetivu iha futuru aban bain rua nian”,tenik Prof. Wayn.
Entretantu seminariu ne’e, fasilitadór husi Dekanu Fakultas Teknik-Warmadewa, Prof. Dr. Ir. Wayn Runa, M.T. ho Sekretaris Prodi Magister Rekayasa Infrastruktur, Dr. Ir. Agus Kurniawan. No hetan partisipa husi, Dekanu Fakuldade Enjeñaria, Sr. José Manuel Maniquin, AP.,Lic. Eng. M.,Eng. ho Estrutura Fakuldade Enjeñaria nomós Estudante sira. Atividade semináriu ne’e sei hala’o durante loron tolu, hahú husi loron dominto horseik to’o tersa.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
