FAKULDADE ENJENARIA UNPAZ HALAO SERIMONIA HANDOVER ESTRUTURA TUAN BA ESTRUTURA FOUN PERIODU 2025 ATE

FAKULDADE ENJEÑARIA UNPAZ HALA'O SERIMÓNIA HANDOVER ESTRUTURA TUAN BA ESTRUTURA FOUN PERIODU 2025 ATÉ 2029

Dili-Universidade da Paz (UNPAZ) liuhusi Fakuldade Enjeñaria hala'o serimónia entrega servisu (handover) husi estrutura tuan ba estrutura foun iha aula Multifunsaun Fakuldade Enjeñaria (13/01/25).

Dekanu Fakuldade Enjeñaria, José Manuel Maniquin, AP., Lic.Eng., M.Eng, hatete katak ohin tempu oportunu hodi entrega servisu husi estrutura tuan ba estrutura foun sira hodi halo servisu tuir ida-idak nia kompetensia. Dekanu husu ba estrutura foun sira katak Imi hetan oportunidade hodi assume kargu núdar Xefi Departamentu no Vise Dekanu iha Fakuldade Enjeñaria UNPAZ periodu tinan 2025 to’o 2029. Hatudu imi nia kapasidade no skill ne’ebe imi iha, hodi hamutuk ita kontinua servisu hodi servi ba sosiedade liu husi UNPAZ. Dekanu Maniquin hatutan katak imi ne’ebe simu kargu ida ne’e ho hamnasa, oin midar no kontente maibe wainhira imi nia mandatu hotu tenke entrega fali ba ema ne'ebe fo konfiansa ba imi ne’e, ho hamnasa, oin midar no kontente tanba kargu ne’ebe imi simu hanesan konfiansa ka fi'ar ida husi Dekanu. Tanba ne’e mantein servisu ekipa hodi nune’e bele atinji metas Fakuldade Enjenaria nian tuir planu programa sira no programa prioridade Iha tinan 2025 mak preparasaun ba Re-Accreditation Departamentu Enjeñaria Sivil iha tinan 2026, alende programa seluk hanesan aumenta atividade peskiza tuir area kada programa estudu no kontinua melhoramentu processu aprendizajen tantu teoria no pratika.

Aproveita oportunidade ida ne’e hanesan Dekanu hakarak agradese no hato’o obrigado wain ba estrutura sesante sira ne’ebe iha tinan hirak liu ba apoiu ona servisu Fakuldade no Departamentu sira, Ita-boot sira la-asume ona kargu Xefía maibe estauto hanesan Dosente kontinua la'o nafatin tuir ida-idak nia area estudu katak Dekanu MANIQUIN.

Iha Estutura Fakuldade Enjeñaria UNPAZ tinan 2025 até 2029 mak hanesan Dekanu Fakuldade Enjeñaria José Manuel Maniquin, AP., Lic.Eng., M.Eng., Vise Dekanu Assuntus Akadmiku Jonas Lequi-sera, Lic.Tec., MT, Vise Dekanu Assuntus Administrasaun no FInansas Jeronimo da Silva, Lic,Eng., M.Eng., Vise Dekanu Ass. Estudantil Olinda Rodriques, Lic.Tec., M.Ars., Vise Dekanu Assuntus Kooperasaun Externa no Interna Agustinho Soriano, Lic.Tec., MT., Vise Dekanu Assuntus Konsellu Sientifico Agustinho Neno Abi, ST., MT. Inkoantu Xefí Departamentu Arkitetura Calisto Miranda, Lic.Eng., M.Ars., Xefí Departamentu Enjeñaria Indústria Joaninha Nascimento, Lic.Eng., M.Eng., no Xefí Departamentu Enjeñaria Sivil Fidelia Maria Campos, ST., MT.,

Entertantu Iha serimónia handover ne’e partisipa mos Dosentes no Funsionáriu sira ne’ebé haknár an iha Fakuldade Enjeñaria Universidade da Paz (UNPAZ).