FAKULDADE ENJENARIA UNPAZ ABERTURA EZAME OBRA SIENTIFIKU

FAKULDADE ENJEÑARIA UNPAZ ABERTURA EZAME OBRA SIENTÍFIKU

Dili-Univeraidade da Paz (UNPAZ) Liuhusi Fakuldade Enjeñaria realiza Serimónia abertura ezame obra siéntifiku ba departamentu tolu hanesan; Arkitetura, Enjeñaria Sivil no Indústria, tinan akadémiku 2023, iha aula multifunsaun fakuldade Enjeñaria UNPAZ (17/08).

Dekanu Fakuldade Enjeñaria, Eng. José Manuel Maniquin, AP. Lic. Eng.,M. Eng. informa ofisializa loke ezame obra siéntifiku hahú husi enjeñaria sivil ho espera katak ho abertura ne’e, bele enkoraja kolega dosentes sira atu aselera lalais prosesu atendimentu ba estudante finalista sira kompostu husi totál estudantes 215.

“Ohin ita ofisializa loke abertura ezame obra siéntifku ba finalista sira hahú husi departamentu enjeñaria sivil, iha tinan ne’e estudante sira husi enjeñria sivil mak nafatin barak ho totál 152 pesoas, akumula finalista husi departamentu rua tan hamutuk 215. Ohin ita hala’o abertura tanbá ita haree kestaun tempu tuir ita-nia kalendáriu akadémiku lolo’os ita retama ezame obra siéntifiku iha fulan jullu liubá, tanbá ita hetan difikuldade lubuk ida nune’e ohin mak ita hahú ofisializa liu-liu iha fakuldade enjeñaria, maibé fakuldade sira seluk ne’e sira hala’o tiha ona. Ita espera katak ezame ida ohin ne’e bele motiva tan estudantes sira seluk, liu-liu sira ne’ebé mak pasa ona ezame proposta”,tenik Dekanu.

Iha fatin hanesan Xefe Departamentu Enjeñaria Sivil, Sra. Fidelia Maria Campos dos Santos, ST.,MT afirma, ohin estudante ho naran Esmenia mak sai hanesan primeiru ba ezame abertura husi estudante enjeñaria sivil 152 ne'ebé mak ezame ona proposta, maibé sira seluk oras ne'e dadaun, balu sei iha prosesu peskiza no balu peskiza hotu ona ba iha prosesu analiza nian. Ho nune’e ezame obra siéntifiku, sei taka iha dia 30 de Setembru 2023, tanbá iha fulan Outubru nia laran sei submete hotu finalista sira-nia naran ba iha edukasaun, nune'e iha dia 05 de Novembru bele tuir graduasaun.

Partisipa husi ezame obra siéntifku ne’e, Dekanu Fakuldade Enjeñaria, Eng. José Manuel Maniquin, AP. Lic. Eng.,M. Eng. ho Xefe Departamentu Enjeñaria Sivil, Sra. Fidelia Maria Campos dos Santos, ST.,MT no Dosentes sira hotu husi fakukldade Enjeñaria.