FAKULDADE ENJEÑARIA REALIZA ELEISAUN KANDIDATU SENADU FOUN
Dili-Universidade da Paz (UNPAZ) nia fakuldade enjeñaria liuhusi senadu estudantil realiza eleisaun ba kandidatu senadu foun tinan akadémiku 2023-2024, iha Salaun José Kasimiru )14/08).
Van Basten Maria Fernandes Lic.Tec.M.Ars. (Vise Dekanu Assuntus Estudantil) Fakuldade Enjeñaria, hateten atividade eleisaun ba kadidatu senadu foun ne'ebé realiza ohin, ba kandidatu nain tolu mane rua feto ida, tanba ne'e husu ba estudante sira hotu atu partisipa masimu iha atividade eleisaun ba senadu foun fakuldade enjeñaria ida ne'e.
"Husu ba estudante sira hotu hili senadu la'ós haree ba ida ne'ebé mak matenek liu mak hili nia lae, maibé hili ida ne'ebé mak iha responsabilidade hodi lídera senadu ida ne'e, se feto mak lídera di'ak hili mak nia, se mane mak lídera di'ak hili nia",Dehan Nia.
Entretantu kandidatu na'in tolu ba senadu foun fakuldade enjeñaria mak hanesan:
- Arlindo da Silva Ximenes, Departamentu Arkitetura.
-Sofia dis Santos Amaral
Departamentu Indústria.
-Lucio da Costa
Departamentu Enjeñaria Sivil
Entretantu atividade eleisaun ba senadu foun fakuldade enjeñaria ne'e, loke direta husi, Van Basten Maria Fernandes Liu, Lic.Tec.M.Ars. (Vise Dekanu Assuntus Estudantil) Fakuldade Enjeñaria, akompña husi Komisaun sira nomós estudante sira hotu husi fakuldade enjeñaria Universidade da Paz.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
