FAKULDADE ENJENARIA ORGANIZA SERIMONIA TOMADA DE POSE ESTRUTURA SENADU ESTUDANTIL ELEITU

FAKULDADE ENJEÑARIA ORGANIZA SERIMÓNIA TOMADA DE POSE ESTRUTURA SENADU ESTUDANTIL ELEITU

Dili-Universidade da Paz (UNPAZ) liuhusi Estudante Fakuldade enjeñaria, organiza serimónia tomada de pose esrutura senadu estudantil eleitu fakuldade enjeñaria tinan akadémiku 2024-2025, iha Salaun José Kasimiru (25/10/24).

Dekanu Fakuldade Enjeñaria, Sr. José Manuel Maniquin, AP. Lic. Eng.,M.Eng. apresia ba estrutura estudante fakuldade enejeñaria ne’ebé ho konsiensia, hodi kompete ba iha senadu atu apoiu servisu fakuldade nomós universidade, tanba ne’e, agradese no obrigadu ba estrutura senadu estudantil sesante, ne’ebé servisu kolabora tebes ba iha atividade sira nomós esforsu ba iha finaliza estudu iha tinan ida ne’e.

“Maske imi la sai ona membru senadu, maibe tenki kontribui nafatin ba iha dezenvolvimentu fakuldade enjeñaria, hela fulan rua imi sai husi ne’e, imi nia estatutu la’os ona estudante, maibe nu’udar alumni Universidade da Paz liuliu fakuldade enjeñaria”,tenik Dekanu F. Eng.

Dekanu mós apresiasaun ba estrutura senadu estudantil eleitu, tanba iha tinan ida ne’e feto bele kandidata an hodi sai hanesan senadu ba iha fakuldade enjeñaria, tanba ne’e, ha’u fiar katak ho imi nia vontade imi hatutan programa sira ne’ebé mai husi xefe senadu ho nia estrutura la konsege realiza.

Iha fatin hanesan, Vise Reitora Asuntu Estudantil, Sra. Felisbela A. O de Oliveira, Lic. SP.,M.SP. apresia tebes ba senadu sesante ho nia estrutura ne’ebé kolabora tebes ba iha atividade sira, tantu iha fakuldade nomós universidade nian, tanba ne’e lahaluha mós apresia ba senadu eleitu, tanba feto mós bele sai hanesan lideransa iha fakuldade.

“Sai hanesan senadu la’os ita tur de’it, maibe sai hanesan senadu ita mak fuan, matan no tilun ba iha fakuldade hodi hala’o atividade estra sira, labele hein de’it husi estrutura fakuldade haruka mak ita foin hala’o, ida ne’e labele akontese ba imi, hanesan estudante ita mak tenki bokan,”,dehan Vise Reitora Asuntu Estudantil.

Sorin seluk Senada eleitu hato’o agradese no obrigadu ba komfiansa hotu ne’ebé imi deposiza mai ha’u ho estrutura. Ami iha komprimisiu tomak atu rona ita bo’ot sira hotu nia lian ba iha asuntu importante sira, atu bele kria amibiente ne’ebé bele fó apoiu ba ema hotu, tanba ne’e, mai ita servisu hamutuk hodi hasa’e kualidade edukasaun no hametin solidaridade entre estudante sira nomós kria inovasaun ne’ebé utíl.

Entretantu iha serimónia tomada de pose estrutura senadu estudantil eleitu ne’e, partisipa husi Dekanu Fakuldade Enjeñaria, Sr. José Manuel Maniquin, AP. Lic. Eng.,M.Eng. ho Estrutura Fakuldade, Dosente, funsionariu, Senadu Estudantil husi Fakuldade lima seluk inklui estudante sira hotu husi Fakuldade Enjeñaria Universidade da Paz.