FAKULDADE ENJENARIA OFERESE PARCEL NATAL BA DOSENTE HO MOTORISTA SIRA

FAKULDADE ENJEÑARIA OFERESE PARCEL NATAL BA DOSENTE HO MOTORISTA SIRA

Dili-19 Dezembru 2023, Universidade da Paz (UNPAZ) liuhusi Dakanu Fakuldade Enjeñaria, Sr. José Manuel Maniquin, AP, Lic, Eng.,M. Eng, hamutuk ho Estrutura tomak Fakuldade Enjeñaria, hodi oferese Parcel Natal nian ba Dosente nomós Motorista sira, nu’udar simbolu agradesimentu ba dosente nomós motorista sira ne’ebé durante ne’e servisu apoiu fakuldfade nomós prosesu aprendizajen nian.

Dakanu Fakuldade Enjeñaria, Sr. José Manuel Maniquin, AP, Lic, Eng.,M. Eng, hateten iha tinan ida ne’e, ita oferese Parcel natal nian ba dosente no motorist sira, bazeia ba kbi’it no forsa ne’ebé fakuldade iha, tanba ne’e labele haree ba nia kuantidade, maibe haree oinsa ita servisu hamutuk durante tinan ida nia laran ba ita nia kolaborasaun no servisu hamutuk. Ita hotu nia servisu hamutuk mak ita bele ultrapasa servisu todan ida iha tinan ida nia laran.

Nia dehan, Parcel Natal ne’e, husi dekanu, vise dekanu Xefe Departamentu inklui funsionariu sira, laiha direitu atu hetan, maibe sira ne’ebé atu hetan mak, dosente no motorista sira ne’ebé durante ne’e, servisu maka’as tebes, ne’ebé sempre atende nesesidade fakuldade, liu-liu ba iha prosesu aprendizajen nian.

"Agradese ba ita hotu nia kolaborasaun no parabens ba ita hotu nia servisu hamutuk durante tinan ida ne’e, tanba ne’e besik tama ona ba iha 2024, ita tenki mai ho pensamentu foun no mai ho ksolok no mai ho domin, katak servisu ba oin ne’e, ninia dezafiu sira sei mai, tanba ne’e husu ba dosente sira enome fakuldade atu kolabora nafatin",Dekanu Maniquin.

Entretantu iha oferese Parcel Natal ba iha Dosente no Motorista sira ne’e, oferese direta husi Dakanu Fakuldade Enjeñaria, Sr. José Manuel Maniquin, AP, Lic, Eng., M. Eng. No akompaña husi Estrutura Fakuldade nian, Dosente, Funsionariu nomós Morisita sira.