FAKULDADE ENJENARIA HUSI DEPARTAMENTU INDUSTRIA ESTUDANTE NA\'IN RUA EZAME OBRA SIENTIFIKU

FAKULDADE ENJEÑARIA HUSI DEPARTAMENTU INDUSTRIA ESTUDANTE NA'IN RUA EZAME OBRA SIENTÍFIKU

Dili-Universidade da Paz (UNPAZ), liuhusi Fakuldade Enjeñaria departamentu industria estudante nain rua ezame hodi aprezenta sira nia atividade ka obra ne'ebé durante sira halo, iha aula Multi funsaun Enjeñaria (20/10/23).

Sr. Manuel Soares dos Reis Pacheco, ST.,M.Eng, sai nu’udar dosente orientador ka ezaminador III hateten, ohin fakuldade enjeñaria husi departamentu indústria estudante nain rua ezame obra sientifiku ho sira nia topiku halai liu kona-ba halo produsaun oinsa halo kontrolu lampu do’ok husi liña internet, ho sira nia topiku ida ne’e hodi hamosu sira nia hanoin ka inisiu iha referensia balun ne’ebe mak sira nia maun ka bin sira uluk halo metodu kona-ba hamate lampu uza internet husi telefone android, ho sira nia topiku ida ne’e mak sira nain rua durante ne’e esforsu an hodi dezenvolve produsaun ka atividade obra ne’ebé durante ne’e sira halo, ida ne’e mak to’o ohin loron sira hodi mai aprezenta ka ezame, ho nune’e sira foti topiku ida ne’e bazeia ba materia ne’ebe mak kuaze durante ne’e sira hetan iha aula laran ka iha universidade liu-liu ba iha departamentu industria nian.

“Nia hatutan tan materia ne’ebe sira hetan hanesan elektri baziku, komputer baziku, algoritmu pemograma sira ne’e mak tau hamutuk foin sira halo produsaun ba sistema lampu liu husi liña internet, nomós kona-ba nia prosesu atu kria ekipamentus ida ne’e komponente ne’ebe mak sira kria uza ekipamentus ne’ebe mak ita bele dehan agora modernu nian, no nia prosesu lolos ha’u hanesan dosente orientador alat ne’ebe sira uza ne’e tenki iha koneksaun ba liña internet, no kuandu iha ona koneksaun ba internet ita iha munisipiu ka nasaun seluk ita bele ligasaun husi liña internet, no alat ne’ebe sira kria husi liña internet hodi bele uza ba kontrolu lampu distansia ne’ebé do’ok husi ita”. Tenik Sr. Manuel

Tuir fali mai estudante ho naran Octávio Emiliano hateten ohin ha’u nia ezame ida ne’e di’ak tebes, ha’u mai lori ho topiku “Utiliza Algoritmu Pemograma Kontrolu Lampu Distansia Do’ok Liu Husi Liña Internet”, ho topiku ida ne’e halai liu ba oinsa atu hamate sistema lampu liu husi liña internet, no ha’u apresia tebes ba ha’u nia dosente orientador no ezaminador sira ne’ebé fo perguntas mai ha’u liga ho topiku ne’ebé ha’u lori ba ezame ida ne’e, nomós sira fo idea ka sujestaun mai ha’u hodi revisi ka hadia topiku ne’ebé ha’u hakerek, no programa ne’ebé ha’u uza mak C++ ho PHP liu husi ezame ida ne’e ha’u orgullu tebes, tanba liu husi ami nia ezame ida ne’e ami bele aprende buat barak husi ami nia topiku ne’ebé ha’u ho kolega lori.

“Ho estudante ida seluk naran Antonio P. da Costa, hateten relevante ba ezame ida ne’e topiku ne’ebe ha’u lori mak “Projetu Sistema Kontrolu Ba Lampu Uza Arduino Uno” senti satisfas tebes ba ezaminador ne’ebe fo hanoin ka idea no sejestaun mai ha’u hodi halo revizaun, no ba perguntas ne’ebe mak sira husu mai ha’u relevante tebes ba ha’u nia topiku ne’ebe mak ha’u iha, no mós ba revizaun lubuk ida ne’ebé mak durante oras ida ho balu nia laran ha’u senti kontenti, no ha’u orgullu mos ba dosente orientador no ezaminador ne’ebé durante ne’e orienta ha’u ho kolega la’o ho di’ak tebes, liu husi ami nia topiku ne’ebé ohin loron ezame ne’e, ami bele aprende buat barak husi obra ida ne’e hodi lori ba ami nia futuru oin mai”. Tenik Estudante.

Entretantu partisipasaun ba ezame ida ne'e Xefe Departamentu Sr. Jeronimo da silva, Lic.Tec., M.Eng, nomós dosente ezaminador na'in tolu (3) ho orador e dosente sira seluk.