FAKULDADE ENJEÑARIA HAHÚ ONA SERVISU APOIU ESTÁJIADUS SIRA
Dili-Universidade da Paz (UNPAZ) nia dosentes sira hamutuk ho estudante sira husi fakuldade enjeñaria hahú ona servisu, bazeia ba karta sirkular ne’ebé hasai husi universidade, fakuldade sira sei apoiu servisu moru ne’ebé seidauk kompleta husi estájiadus sira, iha Kampus UNPAZ B Liquisa (17/04).
Dosente husi Fakuldade Enjeñaria, Sr. Euclides Fernandes, Lic.Eng.,M.Eng. hateten hetan fiar husi universidade, tanba ne’e mak, ami organiza ona ami nia estudante sira hodi finaliza lalais servisu tuir tempu ne’ebé mak iha, lolo’os servisu hahú tuir despaisu ne’ebé mak iha, maibe ami buka meus para bele finaliza lalais atividade ida ne’e, tanba kada fakuldade sei responsabiliza servisu kona-ba moru 47 metru.
“Ami organiza ona estudante semester 3 husi departamentu arkitetura, ohin servisu ona apoiu ami ba etapa primeiru nian, tuir planu depois de ida ne’e, sei kontinua husi estudante departamentu industra no sivil, hodi bele ajuda dosente sira tuir despaisu ne’ebé mak iha”,tenik dosente Euclides.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
