FAKULDADE ENJENARIA DISTRIBUI TITULU AKADEMIKU BA FINALISTA NAIN 239 IHA UNPAZ

FAKULDADE ENJEÑARIA DISTRIBUI TITULU AKADÉMIKU BA FINALISTA NA’IN 239 IHA UNPAZ

Dili-Universidade da Paz (UNPAZ) liuhusi Fakuldade Enjeñaria, organiza serimónia Judisium ba da-XVIII Departamentu Arkitetura. Departamentu Enjeñaria Indústria no ba-VIII Departamentu Enjeñaria Sivil Tinan 2024, hodi distribui titulu akadémiku ba finalista ho Total Judisita na’in atus rua tolunulu resin sia (239) ho tema “Sai Arkitetu no Enjeñeru ho Karakter Inovador Hodi Kontribui ba Nasaun”, iha Salaun José Kasimiru (13/12/24).

Iha serimónia solene ne’e, Vise Prezidente Konsellu Administrasaun FNM, Eng. Hugu Carvalho, hateten ohin ita tama ba eventu no loron espesial ba fakuldade enejeñaria ba loron ne’ebé ita hotu asiste ba jerasaun foun ida ne’ebé sei tama ba mundu progresional nian. Hanesan fundador fakuldade enjeñaria, sente orgullu no emosionadu haree imi hotu nia susesu.

“Tinan 20 ba kotuk la’os tinan ida ituan, maibe mós la’os tinan ida barak liu, hanesan organizasaun ita halo ona kadernizasaun ne’ebé mak naton ba iha ita nia universidade, uluk tinan 20 ba kotuk ita nia dekanu/dosente sira ne’ebé tuir iha ne’e, sira mós tur hanesan ita bot’ot sira agora tur hela ne’e, maibe agora sira tuir iha oin tanba kadernizasasun, tanba ne’e UNPAZ sai exemplu ba organizasaujn sira seluk iha Timor-Leste”,dehan Vise Prezidente FNM.

Nia enkoraja judisista sira hotu, atu kontinua ita bo’ot sira-nia integridade no banati tuir kukltura no formasaun sira ne’ebé durante kuda iha ita bo’ot sira, tenki utiliza ho didi’ak, tanba ne’e, kontinua apriende no servisu maka’as hodi kontribui ba ita nia rai Timnor-Leste, tanba povu hein ita hotu nia kontribuisaun.

Iha fatin hanesan, Magnífiku Reitór UNPAZ, Dr. Adolmando Soares Amaral, Lic. Eco.,MM. esplika UNPAZ nia existensia mai to’o agora 20 anos ona, progresu tomak ne’ebé UNPAZ ba agora investimentu husi sosiedade nomós inan aman sira, ami na’in hira ne’ebé iha ne’e, tantu fundador FNM nomós estrutura universidade, fakuldade, programa de estudu nomós unidade sira hotu, ami koko atu organiza fiar ne’ebé ita bo’ot sira fó atu prepara kondisõens ne’ebé di’ak, hodi produs rekursu humanu ne’ebé ho kualidade, atu prepara sira sai atan lolo’os no serbí ba povu no rai ida ne’e iha tempu sira tuir mai.

“Molok ita bo’ot sira to’o iha prosesu judisium la’os buat fasil, maibe presiza investe tempu enerjia no investimentu ne’ebé maka’as maka bele to’o iha prosesu ida ne’e, hanesan reitór motiva nafatin ita bo’ot sira atu apriende, nune’e loron ruma imi bele hamrik mós iha fatin ida ne’e nomós iha fatin seluk atu ko’alia no fó kontribuisaun no lori dezenvolvimentu iha rai ida ne’e no loris moris di’ak ba povu iha tempu sira tuir mai”,tenik Reitór.

Sorin seluk Dekanu Fakuldade Enjeñaria, Sr. José Manuel Maniquin, AP. Lic. Eng.,M Eng. hato’o agradese no apresia ba parte hotu iha Universidade da Paz, ne’ebé kolabora no apoiu fakuldade enjeñaria bele to’o iha nia finalidade ba judisum nian, tanba ne’e, agradese mós ba inan aman no familia sira hotu nia apoiu no suporta durante tinan haat ba ona sira-nia estudu bele to’o susesu iha momentu ida ne’e.

“Ohin la’os buat hotu-hotu nia finalidade, maibe ohin ita hahu moris foun hanesan ema intelektual, tanba ne’e, aproveita tempu ida ne’e ho responsabilidade no fila ba sosiedade hatudu saida mak imi hatene, labele ko’alia saida mak imi lahatene, maibe labele loko aan no bai-bain de’it tanba siénsia ne’e dinamiku”,dehan Dekanu Fakuldade Eng Maniquin.

Reprezenta Inan Aman Judisista sira hotu, Sr. David da Costa Oliveira, katak ohin hanesan loron espesial ba ona sira-nia prosesu tomak durante ne’e to’o duni nia finalidade, iha momentu ida ne’e imi hetan ona koñesimentu husi manorin na’in sira iha Universidade da Paz liuliu iha Fakuldade Enjeñaria, ohin bele tama ona ba faze dahuluk judisium.

Parte seluk peprezenta Judisista sira mós relata iha prosesu estudu durante tinan haat la’os buat ida fasil, maibe hasoru dezafiu oi-oin, maibe buat sira nbe’e hotu hanorin ita atu servisu maka’as pasiensia no determinsaun. Agradese no obrigadu wa’in ba inan aman no familia sira hotu nia motivasaun no korajen ba suporta ba ami ida-idak durante ami ia prosesu hotu, tanba ne’e, agradse mós ba manorin na’in sira hotu ne’ebé dedika ona matenek ba ami hodi sai individu ne’ebé di’ak liu iha futuru.

Entretantu iha serimómia Judisium Fakuldade Enjeñaria ne’e, partisipa husi Magnífiku Reitór UNPAZ, Dr. Adolmando Soares Amaral,Lic.Eco.,MM. ho Estrutura Senadu Universidade. Vise Prezidente Konsellu Administrasaun FNM. ho Estrtura, Vise Reitores sira. Dekanu Fakuldade 7 ho Estrutura Fakuldade nian. Pro-reitores sira. Diretor ho Xefe Unidade sira. Dosente, Funsionariu, Inan Aman no Familia Judisista sira inklui Sivitas akadémiku Universidade da Paz.