FAKULDADE ENJENARIA APREZENTA DEZENU KOSTRUSAUN FOUN BA IHA UNIVERSIDADE

FAKULDADE ENJEÑARIA APREZENTA DEZEÑU KOSTRUSAUN FOUN BA IHA UNIVERSIDADE

Dili-Universidade da Paz (UNPAZ) liuhusi Fakuldade enjeñaria halo aprezentasaun kona-ba planu konstrusaun dezeñu foun ba kampus B UNPAZ Liquisa, ho ninia todan andar tolu (3) ba iha universidade hodi bele hetan aprovasaun, nune’e bele implementa, iha Aula Prof. Dr. Lucas da Costa (21/06/23).

Dekanu Fakuldade Enjeñaria, Sr. Jose Manuel Maniquin, AP. Lic Eng.,M.Eng. Hateten planu konstruaun ida ne’e, bazeia ba orientasaun mai husi universidade, liuhusi Magnifiku Reitór katak, fakuldade enjeñaria atu prepara dezeñu ida ho ninia todan andar tolu, dezeñu ne’e ami prepara kuaze fulan ida, ohin ami halo apresentasaun seidauk inklui kona-ba BOQ, maibe ami mai aprezenta de'it kona-ba nia maneira ka nia tipu dezeñu, oinsá para universidade liuhusi magnifiku fó apresiasaun.

Nia hatutan, dezeñu ne'e aprova ona ita sei kontinua servisu ida mak sura ninia BOQ, para entrega ba universidade, nune'e universidade bele halo nia implementasaun, tanba ne’e, depois ami hetan orientasaun, hanesan dekanu ne'ebé responsabilidade ba assuntu tekniku, kria kedas ekipa ida, ne'ebé ohin kompostu husi ema ne'ebé halo dezenu e depois ema ne'ebé hanesan espesialista ba iha ninia estrutura, para hotu-hotu bele apar, depois halo aprezentasaun iha ajustamentu liga ho funsaun husi obra ne'e rasik.

“Iha futuru obra ne'e sei utiliza husi Fakuldade Saúde Públika e Ciensia Medica (FSpeCM), tanba ne'e mak ohin halo diskusaun iha ajustamentu, ita espera katak, iha tempu badak ami bele finaliza ajustamentu liga ho dezeñu ne'e, nune'e ami bele aprezenta fali ba magnifiku reitór katak, ne'e inklui ona ninia BOQ, atu nune'e ita bele hatene katak, sé ita harii andar tolu ne'e, mais ou menus ninia kustu ne’e hira, ohin ita asina ona ofisiálmente magnifiku reitór aprova ona, mais iha parte ida ita tenke ajusta tiha buat balu, hodi bele kompleta tuir estandar ne'ebé iha”,dehan Dekanu Fakuldade Enjeñaria.

Partisipa iha aprezentasaun ne’e, Magnifiku Reitór, Universidade da Paz, Dr. Adolmando Soares Amaral, Lic.Eco., MM. Vise Reitór Assuntu Akadémiku. Vise Reitór Administrasaun Geral e Finansas. Dekanu Fakuldade Enjeñaria, Sr. Jose Manuel Maniquin, AP. Lic.Eng.,M.Eng. ho ekipa.