FAKULDADE ENJEÑARIA ABERTURA PROGRAMA ESTÁJIU PROFESIONAL
Dili-03 Marsu 2025 Universidade da Paz (UNPAZ) liu husi Fakuldade Enjeñaria, realiza serimónia akonsellamentu ba programa traballu prátika tinan 2025.
Tema ba Estajiu Profesional mak ”Prátika Kreativu no Inovativu Hodi Hasoru Kompetisaun Iha Mundu Servisu Enjeñaria”Iha Salaun José Kasimiru.
Dekanu Fakuldade Enjeñaria, José Manuel Maniquin, AP, Lic.Eng.M.Eng. hateten katak traballu pratika ne’e iha kurikulum hanesan mós materia ne’ebé ho nia karakter la hanesan materia sira seluk, tanba ne’e husu ba estudante sira labele hanoin katak ha’u finaliza programa pratika tinan ida ne’e, ha’u termina ha’u nia estudu, maibe depende ba rejultadu pratika pasa ka la pasa.
Nia konta, ohin ita hala’o serimónia ida ne’e sei husik imi ba iha kompaña nomós instituisaun estadu nian, hodi hala’o imi nia estájiu profesionál durante fulan rua’ tanba ne’e imi tenki hatudu imi nia matenek no Profesional ne’ebé durante imi hetan iha fatin ne’ebe mak ini estajiu ba tenki ho haraik’an ho karakter ne’ebé di’ak iha instituisaun sira.
“Estudante sira tenki hatudu imi nia karakter no komportamentu ne’ebé di’ak hanesan ema akadémiku iha kompaña ka instituisaun estadu sira ne’ebé imi hala’o estajiu, inklui mós respeita ba regras sira ne’ebé instituisaun nian iha’ nune’e bele fó rekezitus minimu ba kompaña, tanba imi reprezenta fakuldade enjeñaria universidade da paz”,dehan Dekanu.
Entretantu iha serimónia programa estájiu professional ne’e, abertura husi Dekanu Fakuldade Enjeñaria, José Manuel Maniquin, AP, Lic.Eng.M.Eng. Partisipa mos husi estrutura fakuldade nomós dosente no funsionariu fakuldade enjeñaria inklui estudante sira.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
