![FAKULDADE ENGENARIA OFERESE SALA HAAT BA FAKULDADE EKONOMIA](https://unpaz.tl/asset/foto_berita/142155560_431995611585730_7399100534113663476_o.jpg)
#UNPAZ# 28 JANEIRO 2021
FAKULDADE ENGENARIA OFERESE SALA HAAT BA FAKULDADE EKONOMIA
Dekanu Fakuldade Engenaria Sr. Jose Manuel Maniquin, A. p.,Lic. Tec.,M. Eng. Ho Dekanu Fakuldade Ekonomia Dr. Alexandre Guteres de Souja, Lic. Eco.MM. asina Nota Entendementu ba sala haat ne’ebé durante ne’e Fakuldade Engenaria utiliza ba Prosesu aprendisajem ohin oferese fali ba iha Fakuldade Ekonomia, iha aula Fakuldade Ekonomia (28/01).
Nota Entendementu ne’e, Dekanu Fakuldade Engenaria Sr. Jose Manuel Maniquin, A. p.,Lic. Tec.,M. Eng. Hateten bazeia ba despaisu huis Magnifiku Reitór katak hahu anu letivu 2021 Fakuldade rua muda ba kampus Liquisa, ho ida ne’e mak sala ne’ebé Fakuldade Engenaria utiliza ba atendementu prosesu administasaun, ohin ofisialmente oferese ba Fakuldade Ekonomia hodi utiliza ba nesesidade depende ba jestaun husi Fakuldade Ekonomia.
‘’Nia hatutan ba oin Fakuldade Engenaria nia prosesu tomak iha kampus Liquisa, no iha ne’e ami iha aula ida de’it ba Fakuldade Engenaria hodi fasilita klas extensia sira ne’ebé eskola kalan’’, dehan Dekanu Jose. Iha fatin hanesen, Dekanu Fakuldade Ekonomia Dr. Alexandre Guteres de Sousa, Lic. Eco.MM. salienta sala haat ne’ebé oferese husi Fakuldade Engenaria ba Fakuldade Ekonomia ami sei utiliza ba prosesu aprendisajem, maibe tuir planu ami sei uza sala ida ba laboratorium.