FAKULDADE EKONOMIA UNPAZ SELEBRA BIN-AKRAP HODI HAMETIN AMIZADE

FAKULDADE EKONOMIA UNPAZ SELEBRA BIN-AKRAP HODI HAMETIN AMIZADE

Dili-Universidade da Paz (UNPAZ) Liuhusi Fakuldade Ekonomia selebra Bin-Akrap anu letivu 2024, hodi hametin amizade entre Dosente ho estudante, Funsionariu, Estudante ho Estudante ho tema "Yang Paling Kita Takutkan Dari Pertemuan Ketika Harus Mengikhlaskan Perpisahan"Iha Salaun Luz Clarita (12/05/24).

Magnífiku Reitór UNPAZ, Dr. Adolmando Soares Amaral, Lic. Eco.,MM. hateten dalaruma iha Timor mak atividade Bin-Akrap ho divertimentu, maibé aban bairua ita boot sira remata estudu iha UNPAZ, ba kontinua estudu iha nasaun seluk Europa sira, atividade Bin-Akrap la akontese hanesan timor ho divertimentu.

"Bin-Akrap ka lasu amizade iha ensinu superior iha mundu ne'e, sira mai atu demostra sira-nia talentu no kreatividade sira, ne'ebé durante iha prosesu aprendizajen, liu-liu sira semester as sira mai atu demostra siénsia no teknogia ba alin sira, ida ne'e mak bele hatudu no motiva ba alin sira katak, Bin-Akrap atu hatudu atividade inovasaun sira, husi ida ne'e mak ita hamutuk iha Bin-Akrap ba siénsia no teknogia, para bele fó altetnativa no solusaun ba povu no rai ida ne'e",dehan Reitór.

Reitór husu ba estudante sira, imi kaer saida mak akontese ohin, tenki hotu ohin ona, ba oin imi tenki hatudu katak, imi mak sai altetnativa ba rekursu Humanu, atu halo buat barak ba rai ida ne'e, hatudu imi nia kapasidade no hatudu imi nia matenek, hatudu imi nia manejerial ne'ebé naton, atu organiza atividade kiik ruma ba interese ema barak nian.

Reitór promete, ita sei halo espozisaun iha Kampus sentrál, depois de estudante semester V fila husi Raeoa, iha momentu ida ne'e mak estudante sira semester 7,5 no 3 hatudu imi nia matenek sira semester 1, saida mak imi apriende husi maun sira , tanba ne'e universidade sei organiza Bin-Akrap ba iha fakuldade neen, iha momentu ida ne'e mak imi tenki hatudu imi nia kualidade.

Entretantu iha Bin-Akrap Fakuldade Ekonomia Universidade da Paz, partisipa husi Magnífiku Reitór UNPAZ, Dr. Adolmando Soares Amaral, Lic. Eco.,MM. Dekanu Fakuldade Ekonomia, Dr. Alexandre de Sousa Guterres, Lic. Eco.,MM. ho Estrutura Fakuldade Ekonomia nian, Dosente Funsionariu Inklui Estudante sia hotu.