FAKULDADE EKONOMIA UNPAZ REALIZA WORKSHOP BA PREPARASAUN AKREDITASAUN NIAN

FAKULDADE EKONOMIA UNPAZ REALIZA WORKSHOP BA PREPARASAUN AKREDITASAUN NIAN

Dili-Universidade da Paz (UNPAZ) liuhusi Fakuldade Ekonomia realiza Workshop ba dahuluk hodi perpara an hakat ba akreditasaun ne’ebé peritus sira husi ANAAA sei avalia iha Fulan Maiu 2023, ho tema Garantia Kualidade Ensinu Iha Fakuldade Ekonomia UNPAZ, iha hotel Mukit Munisipiu Aileu (06/02).

Vice Reitor Asuntu Administrasaun e Finansas, Sr. Caetano C. Coreia, Lic.Eco.,M.Ak.,CMA.,C.FR. hateten ha’u reprezenta Magnifiku Reitór hodi parttisipa no abertura hela ba atividade workshop ida ne’e, iha oportunidade ida ne’e ha’u hakarak hateten buat rua ne’ebé mak importante, primeiru unidade, segundu responsabilidade.

“Unidade katak, servisu hamutuk no elebora buat ne’ebé mak ita planu ona, ho ida ne’e mak ita na’in hira hamutuk iha ne’e, atu eleva responsabilidade no komitmentu hodi hasa’e ita nia responsabilida no kualidade ba ensinu superior. Esperansa bo’ot katak, semana ida ne’e, bele hetan buat di’ak no buat foun”, Vice Reitor Asuntu Administrasaun e Finansas, Sr. Caetano.

Diretor Exekutivu ANAAA I.P. Dr. Nilton Diamantino Paiva Mau S.S, MM.,Phd. Hateten iha Workshop ne’e, Planu ne’ebé mak ANAAA halo, tanba akreditasaun ne’e servisu parseiru ho instituisaun públiku no privadu.

“Orgullu bo’ot fakuldade ekonomia bele soe tempu no trasa hela planu ba orkshop ida ne’e, tanba husi ekipa tekniku ita bele deskute hamutuk hodi hasoru akreditasaun iha tempu sira tuir mai, Semana ida ne’e importante tebes ba fakuldade ekonomia liuliu iha departamentu 4 ne’e, espera katak durante semana ida ne’e iha objetivu di’ak”,tenik, Diretor Exekutivu ANAAA I.P. Dr. Nilton.

Dekanu Fakuldade Ekonomia, Dr. Alexandre De Sousa Guteres, Lic Eco.,MM. Fakuldade Ekonomia halo workshop hodi prepara ba hasoru akreditasaun ne’ebé ANAAA atu evalua, objetivu husi workshop ida ne’e atu haree lala’ok servisu estrutura iha fakuldade ne’ebé mak durante ne’e halo.

Nia hatutan, iha workshop ida ne’e nia tema mak garantia kualidade, garantia kulidade katak, bazeia ba saida mak estrutura fakuldade ekonomia hala’o tuir estandar ne’ebé mak edukasaun iha.

“Garantia kulade ne’e atu haree ba preparasaun dokumentu lala’o servisu husi fakuladde ekonomia hala’o sai hanesan bazeia ba servisu ida ne’ebé fakuldade ekonomia durante ne’e hala’o. Husi ida ne’e sai hanesan obra ida, sai mós alina ida ba akreditasaun ne’ebé mak ANAAA atu evalua ”,dehan Dekanu Fakuldade Ekonomia, Dr. Alexandre

Partisipa iha Workshop ne’e, Vice Reitor Asuntu Administrasaun e Finansas, Sr. Caetano C. Coreia, Lic.Eco.,M.Ak.,CMA.,C.FR. Diretir Exekutivu ANAAA I.P. Dr. Nilton Diamantino Paiva Mau S.S, MM.,Phd. Ho ekipa. Dekanu Fakuldade Ekonomia, Dr. Alexandre De SousaGuteres, Lic Eco.,MM. inklui estrutura Fakuldade Ekonomia.