FAKULDADE EKONOMIA UNPAZ REALIZA WORKSHOP BA HARMONIZA MATERIA

FAKULDADE EKONOMIA UNPAZ REALIZA WORKSHOP BA HARMONIZA MATERIA

Dili-Universidade da Paz (UNPAZ) Liuhusi Fakuldade Ekonomia hala'o Workshop ba dahuluk hodi harmoniza materia, depois kontinuasaun ba mudansa Kurikulum 213 uniforme ba 240, programa IV, Jestaun, Kontabilidade, Bankaria no Emprendedorismu, tinan akadémiku 2024, iha Aula Prof. Dr. Lucas da Costa (18/01/2024).

Dekanu Fakuldade Ekonomia, Dr. Alexandre de Sousa Guterres, Lic. Eco.,MM. hateten ohin fakuldade ekonomia sei halo workshop ba tinan ida ne’e, tuir despaixu Magnífiku Reitór nian ne’ebé mak fakuldade hotu-hotu tenki halo, husi programa workshop ne'e, atu haree fila fali mudansa ba prosedu aprendizajen liu-liu iha mudansa ba kurikukum ne’ebé mak ita sei implementa iha tinan ida ne’e tuir regra husi edukasaun nian, maibe ba iha semester ida primeiru, semester ida ne’ebe iha leten ona sei kontinua nafatin.

Dekanu espkiia, workshop ida ne’e, sei ko'alia asuntu sira mak hanesan,

1. Sei ko'alia kona-ba mudansa kurikukum husi 213 ba iha 240 husi departamentu sira.

2. Xefe departamenti sira sei hato’o sira-nia planu programa ba iha tinan ida ne’e, saida-saida mak sira atu halo.

3. Sei iha mós planu programa husi fakuldade, ikus liu mak diskusaun ba mudansa materia.

Entretantu iha Workshop dahuluk ba harmoniza materia ne'e, Partisipa mós husi Magnífiku Reitór Universidade da Paz, Dr. Adolmando Soares Amaral l, Lic. Eco.,MM. Dekanu Fakuldade Ekonomia, Dr. Alexandre de Sousa Guterres, Lic. Eco.,MM. ho Estrutura Fakuldade nomós Dosente sira.