![FAKULDADE EKONOMIA UNPAZ REALIZA EZAME IKUS BA ESTUDANTE SIRA](https://unpaz.tl/asset/foto_berita/96.jpg)
FAKULDADE EKONOMIA UNPAZ REALIZA EZAME IKUS BA ESTUDANTE SIRA
Dili-Universidade da Paz (UNPAZ) liuhusi Fakuldade Ekonomia realiza ezame ikus ba estudante sira, bazeia ba kalendariu akadémiku 2022, iha aula Fak. Ekonomia (16/11).
Ekipa monitorizasaun, Sr. Jacob Fernandes Alves, Lic. Dir, nu’udar Funsionariu Unidade UA-AAE, esplia, ami bazeia ba despaixu reitór ba ezame ikus nian, tanba ne’e maka husi ekipa komisaun ne’ebé reponsabiliza ba ezame refere, halo monitorizaun ba estudante sira-nia ezame, hodi haree diretamente estudante sira prinse ona rekijitu propinas no sira ne’ebé mak seidauk prinse rekijitu.
“Estudante sira ne’ebé priense ona rekejitu propinas 100% bele hala’o ona ezame no sira ne’ebé sei dauk kompleta propinas 100% tenki kompleta ona 100% hafoin halo ezame iha loron tuir mai”,dehan Ekipa monitorizasaun, Sr. Jacob.
.
Nia hatutan, estudante sira nia ezame la’o normal, bazeia ba kalendariu akadémiku ne’ebé termina ona, bazeia ba despaixu reitór ne’ebé mak iha.
Estudante, Denis Alcino Belo, Semester IV husi Fakuldade Ekonomia Departamentu Kontabilidade, hateten ami nia preparasaun ba ezame ida ne’e, masimu tebes, atu bele hasoru ezame ikus iha semester ida ne’e.
“Pesoal ha’u sente preprasaun masiu molok hakat ba ezame ida ne’e, maibe ha’u nia maluk sira seluk maka ha’u lahatene sira nia preparasaun ba ezame la’o oinsa, pesoal ha’u sente ezame la’os buat foun ba ita estudante, ezame hanesan bai-bain, ha’u fiar katak hotu-hotu preparasaun masimu ba ezame ida ne’e”, Estudante Denis.
Nia reforsa, materia ne’ebé ami ezame, atu difisil ka fasil, depende ba ida idak nia preparasaun, se nia prepara antes estuda fasil ba nia, maibe ida la prepara nia bele dehan difisil.