![FAKULDADE EKONOMIA UNPAZ HO UNIVERSIDADE UNDANA KUPANG REALIZA SEMINARIU NASIONAL](https://unpaz.tl/asset/foto_berita/301948610_811509480301006_8828063106537369839_n.jpg)
FAKULDADE EKONOMIA UNPAZ HO UNIVERSIDADE UNDANA KUPANG REALIZA SEMINARIU NASIONAL
Dili-Universidade da Paz (UNPAZ) liuhusi Fakuldade Ekonomia nia Departamentu Emprendedorizmu realiza seminariu nasional ho tema “Inkubasi Kewirausahaan Dalam Mendorong Mahasiswa Menjadi Entrepreneur Muda, luhusi Zoom, iha Aula Prof. Dr. Lucas da Costa (13/09).
Vice Dekanu Fakuldade Ekonomia, Sr. Jose da Silva, Lic. Eco.,MM. hateten atividade Seminaru ohin, oinsa atu prepara estudante departamentu emprendedorizmu fakuldade ekonomia UNPAZ, ohin ko’alia kona-ba digital marketing, nomós oradór prinsipal husi UNDANA no estudante husi UNDANA Kupang ne’ebé esplika kona-ba nia produtu sira, ohin oradór prinsipal sira konsege fahe nia esperensia ba ita nia estudante emprendedorizmu sira iha UNPAZ.
“Ohin seminariu nasional ne’e importante tebes ba estudante sira husi departamentu emprendedorizmu, hodi bele hatene klean liu tan, oinsa bele forma emprendedorizmu ne’ebé di’ak liu tan husi sira nia kriatividade”,dehan Vice Dekanu Fakuldade Ekonomia, Sr. Jose.
Xefe Departamentu Emprendedorizmu, Sr. Françisco da Costa, Lic.Eco.MG. hatutan objetivu ba seminariu ida ohin atu promove ita nia estudante sira liuhusi emprendedorizmu, seminariu ida ne’e atu nune’e sira bele hatene, saida mak emprendedorizmu ne'e rasik.
“Estudante sira mós tenki estuda hodi hatene emprendedorizmu ne’e rasik, ho nia funsaun sira, funsaun ida mak atu mantein sira nia pozisaun brani foti risku, bainhira sira atu halo buat ruma, ba oin sei kontinua nafatin seminariu maske estudante ho volume ne’ebé ki’ik sei halo ligasaun nafatin ho Universidade Undana Kupang kona-ba epmrendedorizmu nian”,Nia Informa.
Partisipa iha seminariu nasional ne’e, Dekanu Fakuldade Ekonomia, Dr. Alexandre de Sousa Guteres,k Lic. Eco.,MM. ho estrutura tomak ne’ebé kompostu husi, Vice Dekanu Fakuldade Ekonomia, Sr. Jose da Silva, Lic. Eco.,MM. Xefe Departamentu Emprendedorizmu, Sr. Françisco da Costa, Lic.Eco.MG. Wakil Dekan Fakultas Ekonomi UNDANA, Dr. Rolland Fanggidea, SE.,MM. Estudante UNDANA Johanson Blla. Dosente sira, inklui Estudante sira.