FAKULDADE EKONOMIA REALIZA SEMINARIU HO UNIVERSIDADE SURABAYA

FAKULDADE EKONOMIA REALIZA SEMINARIU HO UNIVERSIDADE SURABAYA

Dili-Universidade da Paz (UNPAZ) liuhusi dosente Fakuldade Ekonomia realiza semanriu hamutuk ho universidade Ciputra Surabaya hodi ko’alia kona-ba servisu hamutuk entre universidade rua ne’e, nune’e dosente UNPAZ bele sai dosente tamu iha Universidade Surabaya no Dosente husi Universidade Suarabaya bele sai dosente tamu iha UNPAZ, atividade ne’e realiza liuhusi Zoom iha Aula Prof. Dr. Lucas da Costa (26/05).

Dekanu Fakuldade Ekonomia Dr. Alexandre de Sousa Guterres, Lic.Eco., MM. hateten atividade ohin kona-ba realizasaun husi koeperasaun ne’ebé servisu hamutuk ho universidade Ciputra Surabaya, tanba universidade Surabaya ne’e sira iha cabang iha Indonesia iha fatin hira termasuk iha makassar, ne’ebé makassar mós hare’e husi revizaun servisu ho sentru universidade Surabaya sira mós iha intensaun hakarak servisu hamutuk, atu nune’e ita halo ona asina MoU ho MoA husi universidade rua.

Nia hatutan, ho ida ne’e mak ita halo ona dosen tamu, Dosen UNPAZ sai Dosen tamu ba iha universidade makassar no sira mós sai Dosen tamu mai iha universdade da paz. Depois iha dosen tamu ne’e mós ita ko’alia kona-ba tema ne’ebé sira fó mai ita liu-liu kona-ba ita nia merkadoria iha Timor-Leste, nune’e iha materia rua ne’e hanesan primeiru Dosen Sr. Manuel Gonçalves nia lori kona-ba marketing Digital marketing nian, segundu mak Dekanu Fakuldade Ekonomia Dr. Alexandre de Sousa Guterres, Lic.Eco., MM, lori materia kona-ba peluang passar ka Pontensia merkadoria iha Timor.

“Apresia tebes ba dosen tamu ne’e la’os eleva de’it ita nia koñesimentu Timor de’it, maibé bele mós eleva loke informasaun ita iha liuhusi akadémiku nomós realidade ne’ebé iha Timor ba nasaun hotu Indonesia liu-liu ba makassar, universidade atu bele hatene no komprende nomós dudu sira atu halo investimentu”,dehan .

Partisipa iha atividade ne’e, Dekanu Fakuldade Ekonomia Dr. Alexandre de Sousa Guterres, Lic.Eco., MM. ho Dosente sira husi Fakuldade Ekonomia inklui Estudante sira.