FAKULDADE EKONOMIA REALIZA ENKONTRU HO MCI
Dili-Universidade da Paz (UNPAZ) liuhusi ekipa fakuldade ekonomia hala’o sorumutu ho Ministru Comersiu e industria, ho objetivu atu hala’o kooperasaun servisu hamutuk iha área peskija liu-liu dezenvolvimentu iha área emprendedorismu iha futuru.
Ministru Comersiu e Industria, Nino Pereira, hato’o apresia tebes ho sorumutu ida ne’e, tanba parte akédemik sai hanesan parseiru governu liu-liu peskija, nune’e bele ajuda parte governu iha dadus, nune’e bele haforti implementasaun servisu governu nian.
Iha biban ne’e mós dekanu fakuldade ekonomia, Dr Alexandre de Souse Guterres, Lic, Eco.,MM. hatutan katak, fakuldade ekonomia sai parte ida, husi sentru edukasaun ne’ebé maka iha responsabilidade, bele fó hanoin liuhusi peskija no dadus ba parte ne’ebé persija liu-liu governu, nune’e bele hala’o implementasaun servisu ho di’ak.
Iha momentu ne’e mós ekipa fakuldade ekonomia liuhusi, dekanu Dr Alexandre de Souse Guterres, Lic, Eco.,MM. entrega mós livru konsep Turismu no Comersiu ba Ministru hanesan meius ida, bele fó informasaun kona-bá dezeñu di’ak turismu no Comersiu.
Partisipa iha sreuniaun ne’e, Ministru Comersiu e Industria, Nino Pereira ho nia Gabinete, Dekanu fakuldade ekonomia, Dr Alexandre de souse Guterres, Lic, Eco.,MM., ekipa fakuldade ekonomia.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
