FAKULDADE EKONOMIA REALIZA ELEISAUN BA SENADU FOUN

FAKULDADE EKONOMIA REALIZA ELEISAUN BA SENADU FOUN

Dili-Universidade da Paz (UNPAZ) liuhusi Senadu estudantil Fakuldade Ekonomia hala’o serimónia abertura ba hili kandidatu senadu foun fakuldade ekonomia tinan akadémiku 2023-2024, Iha Salaun José Kasimiru (01/09).

Vice-Dekanu Asuntu Estudantil Fakuldade Ekonomia, Sr. Paulo Victor X.C. Soares,Lic. Eco.,M. Kont. Hateten iha tinan ida ne’e fakuldade neen kuase realiza hotu eleisaun ba senadu ida-ida nian, hanean mós fakuldade ekonomia ne’ebé ohin realiza iha salaun ida ne’e.

“Iha tinan ida ne’e prosesu eleisaun ba senadu estudantil fakuldade ekonomia diferente ho tinan kotuk, maibe agora prosesu eleisaun liuhusi Sistema eletroniku online, ne’ebé estudante hotu-hotu sei asesu link, nune’e bele vota, tanba ne’e estudante sira hotu tenki proativu iha parte asuntu akadémiku nian”,dehan Nia.

Vise ne’e, enkoraja estudante na’in rua ne’ebé iha vontade hodi hola parte iha senadu estudantil fakuldade ekonomia ba tinan akadémiku 2023-2024, tanba ne’e imi na’in rua sei reprezenta departamentu haat ne’ebé tutela iha fakuldade ekonomia, hodi hato’o progarama sira ne’ebé mak atu implementa iha imi nia mandatu.

Iha fatin hanesan, Senadu Estudante Fakuldade Ekonomia UNPAZ, Gemerino da Costa, hatutan hanesan senadu fakuldade ekonomia ne’ebé durante estudante sira fó fiar, durante 2022-2023, tanba ne’e senadu eleitu tuir mai sei kontinua programa sira ne’ebé ami halo no sira ne’ebé ami seidauk konsege realiza, durante tinan ida nbia laran.

“Ha’u firak katak, senadu eleitu ne’ebé tuir mai, liuliu sira na’in rua ne’ebé reprezenta ona departamentu haat, ha’u fiar progarma ne’ebé ami ladauk kompleta iha tina ida ne;e nia laran, senadu eleitu bele kontinua nafatin programa sira ne’e ba oin, hodi akumula estudante sira hotu iha fakuldade ekonomia hodi sente realidade moris”,dehan Senadu Sesante Fakuldade Ekonomia.

Entretantu serimónia hili kandidatu senadu foun fakuldade ekonomia ne’e, kandidatu nai’in rua mak hanesan: (Jericardo V. Gomes, Kandidatura Departamentu Emprendedorismu), (Esterlito Ramos Oscar kandidatura Kontabilidade) atividade ne’e, abertura husi Vice-Dekanu Asuntu Estudantil Fakuldade Ekonomia, Sr. Paulo Victor X.C. Soares,Lic. Eco.,M. Kont. No partisipa husi estudante sira hotu husi Fakuldade Ekonomia Universidade da Paz.