FAKULDADE EKONOMIA DISTRIBUI TITULU AKADEMIKU BA FINALISTA NAIN 391 IHA UNPAZ

FAKULDADE EKONOMIA DISTRIBUI TÍTULU AKADÉMIKU BA FINALISTA NA’IN 391 IHA UNPAZ

Dili-Universidade da Paz (UNPAZ) liuhusi Fakuldade Ekonomia, Organiza Serimónia Judisium Fakuldade Ekonomia Ba Dala XX Tinan Akadémiku 2024, ba finalista atus tolu sianulu resin ida (391) ne’ebé kompostu husi Departamentu Jestaun Sianulu resin hitu (97), Kontabilidade atus ida haatnulu resin lima (145) no Bankaria atus ida limanulu resin haat (154), ho tema “Sai Lisensiatura Ne’ebé Iha Kapasidade, Integridade Prontu Kompete Iha Era Digitalizasaun”, Iha Salaun José Kasimiru (16/12/24).

Prezidente Konsellu Administrasaun FNM. Eng. José Menezes, M.FoodTech, hato’o agrdese ba judisista sira hotu ne’e selebra judisium, deseiju no susesu ba imi hotu nia esforsu bele to’o iha nia finalidade ba momentu ida ne’e. Maske imi partisipa ona iha serimónia judisium, ha’u fiar buat barak mak imi hatene, maibe imi mós tenki rekoñese iha buat balu imi seidauk hatene, tanba ne’e, presiza estuda nafatin ba oin para bele garante imi nia moris di’ak iha futuru.

“Agradese ba inan aman sira hotu ne’ebé tula fiar ba UNPAZ, hodi haruka oan sira mai kontinua estudu iha ne’e, tanba ne’e agradese mós ba Magnífiku Reitór ho estrutura ne’ebé lídera instituisaun ida ne’e la’o ho di’ak, enkuantu husu ba judisista sira hotu atu hatudu imi nia integridade iha instituisaun sira ne’ebé imi servisu ba, ema nian labele foti no foti mak ita nian, nune’e hatudu nafatin ita nia profesionalismu”,dehan prezidente FNM.

Iha fatin hanesan, Magnífiku Reitór UNPAZ, Dr. Adolmando Soares Amaral, Lic. Eco.,MM. esplika ohin ita bo’ot sira bele kontente ho serimónia judisium ida ne’e, maibe dezafiu hein hela ita hotu iha oin ne’ebá, saida mak ita bele halo ba povu no rai ida ne’e iha ita nia tempu, tanba inan aman investe ona ba ita iha tinan barak no to’o ona nia finalidade iha momentu ida ne’e.

“Husu ba imi no ita hotu, labele moe ba inan aman nia susar, maibe moe ba, bainhira ita sussu tiha ona, sei halo susar inan aman, ida ne’e ita tenki moe. enkuantu husu ba imi judisista sira hotu ohin imi susesu ona bele halo kontente inan aman, maibe labele halo susar sira, tanba imi na’in hira tur iha ne’e, sakrifisiu lubuk ida husi inan aman no familia mak imi tur iha fatin ida ne’e”,tenik Reitór UNPAZ.

Sorin seluk, Dekanu Fakuldade Ekonomia UNPAZ, Dr. Alexande de Souse Guterres, Lic, Eco.,MM. hato’o agradese ba inan aman ne’ebé tau ona fiar ba fakuldade ekonomia universidade da paz, atu bele fó matenek no abilidade ne’ebé iha ba sira liuhusi kapasidade ne’ebé hetan durante ne’e, agradese mós Magnífiku Reitór ho estrutura nomós FNM, ne’ebé sai hanesan parseiru di’ak mós ba iha fakuldade ekonomia to’o iha momentu ida ne’e.

“Judisista sira hotu imi sai ona maduru iha akadémiku, tanba ne’e, ami sei husik imi ba iha merkadu no sosiedade hatudu imi nia responsabilidade ba naran ne’ebé imi simu ona, tanba ne’e, tenki hatudu imi nia kapasidade ho integridade inklui adapta mós dijitalizasaun iha mundu agora”,katak Dekanu Fakuldade Ekonomia.

Aliende ne’e, reprezenta Inan Aman, Sr. Manuel Godino Guterres, hato’o agradese no obrigadu wa’in ba Fundasaun Neon Metin no estrutura universidade bele kria fatin ida ne’e, ikus mai ami nia oan sira bele hetan aproveitamentu di’ak ba iha siensa no teknologia iha uma mahon UNPAZ, ohin loron ami nia oan sira bele susesu iha ida-idak nia área ne’ebé iha. Tanba ne’e, agradese ba manorin na’in sira hotu ne’e fahe ona matenek ba ami nia oan sira ne’ebé bele hetan rezultadu di’ak.

Parte seluk mós, reprezenta Judisista, Flaviana Hornai Martins, hato’o agradese no obrigadu wa’in ba manorin na’in sira hotu iha UNPAZ, liu-liu manorin na’in fakuldade ekonomia ne’ebé durante ne’e, transimte ona matenek mai ami ida-idak to’o ohin loron nia finalidade iha momentu ida ne’e ema hotu asiste, tanba ne’e, agradese ba matenek no sakrifisiu husi manorin na’in sira ne’ebé oferese ba ami, ami sei tanes aas matenek no almamater UNPAZ iha sosiedade hodi kontribui ba dezenvolvimentu iha rai doben Timor-Leste.

Entretantu iha serimómia Judisium Fakuldade Ekonomia, partisipa husi Magnífiku Reitór UNPAZ, Dr. Adolmando Soares Amaral, Lic. Eco.,MM. Prezidente Konsellu Administrasaun FNM. Eng. José Menezes, M.FoodTech, Estrtura Universidade ne’ebé kompostu husi Vise Reitores sira. Dekanu Fakuldade 7 ho Estrutura Fakuldade nian. Pro-reitores sira. Diretor ho Xefe Unidade sira. Dosente, Funsionariu, Inan Aman no Familia Judisista sira inklui Sivitas akadémiku Universidade da Paz.