FAKULDADE EKONOMIA ABERTURA TREINAMENTU MONEYMINDED BA ESTUDANTE SIRA

FAKULDADE EKONOMIA ABERTURA TREINAMENTU MONEYMINDED BA ESTUDANTE SIRA

Dili-Universidade da Paz (UNPAZ) nia Fakuldade Ekonomia hala’o abertura treinamentu (MoneyMinded) ba estudante sira, ne’ebé fasilita huis banku ANZ, iha Aula 8 Multi Funsaun (25/03) horseik.

Vice Dekanu 1 Fakuldade Ekonomia, Sr. José da Silva, Lic, Eco.,MM. hateten treinamentu ida ne’e ita hetan fasilitador sira husi ANZ, treinamentu ne’e kontinuasaun ba iha etapa daruak nian, treinamentu ne’e ho tema ida ita hanaran (MoneyMinded) ne’ebé fasilita husi banku ANZ.

“Treinamentu ne’e atu hanorin estudante sira hodi eleva estudanyte sira nia koñesimentu, liu-liu sira bele jere sira nia oan rasik ba iha futuru nian”,tenik Vice Dekanu 1 Fakuldade Ekonomia, Sr. José.

Nia reforsa, treinamentu ne’e la’os Departamentu ida de’it mak tuir, maibe kompostu husi Depratamentu 4 mak tuir, Depratamentu Jestaun, Bankaria, Empreendedorismo no Kontabilidade, treinamentu refere ita halo rutina kada Fulan no Semana ita sempre realiza treinamentu ne’e.

Treinamentu ne’e gratuita nomós oferese sertifikadu ba iha estudante sira ne’ebé mak partisipa iha treinamentu ne’e, treinamentu ne’e mós loke odamatan ba Fakuldade sira seluk ne’ebé mak hakarak atu rejistu bele tuir treinamentu refere, Nia Subliña.

Partisipa iha treinamentu refere, Vice Dekanu 1 Fakuldade Ekonomia, Sr. José da Silva, Lic, Eco.,MM. ho Fasilitadór husi banku ANZ, nomós Estudante sira.