#UNPAZ# 04 OUTUBRU 2021.
FAKULDADE EKONOMIA ABERTURA EXAME PROPOSTA/OBRA SIENTIFIKU BA DALA XVII TINAN AKADEMIKU 2021
Dili-Universidade da Paz (UNPAZ) liuhusi Fakuldade Ekonomia hala’o abertura ba exame proposta/obra siéntifiku ba dala XVII tinan akadémiku 2021, ba Deparatamentu Jestaun, Kontabilidade, Bankaria, no Emprendedorismo, iha Aula Ekonomia (04/10).
Magnifiku Reitór Universidade da Paz Dr. Adolmando Soares Amaral, Lic. Eco. MM. hateten estudante finalista ida atu finaliza nia estudu iha UNPAZ, nia tenki mai aprezenta nia propoata ba obra siéntifiku no depende reziltadu ba obra siéntifiku.
“Agradese ba estrutura Fakuldade ne’ebé servisu makas, Xefe Departamentu sira, Vice Dekanu, Dosente, no Funsionariu sira, tanba investe ona tempu, enerjia no matenek , para loron ida asegura polítika Universidade nian, Fakuldade Ekonomia tenki sai exemplar ba iha Fakuldade sira seluk”,dehan Reitór.
Dekanu Fakuldade Ekonomia, Dr. Alexandre De Sousa Guteres, Lic.Eco.,MM, hatutan agradese ba estrutura Fakuldade nian, ba ita bo’ot sira nia ajuda ona estudante finalista sira bele tama ona ba prosesu exame obra siéntifiku nian.
Partesita iha abertura ne’e, Magnifiku Reitór Universidade da Paz Dr. Adolmando Soares Amaral, Lic. Eco. MM. Ho Gabinete Reitoradu, Dekanu Fakuldade Ekonomia, Dr. Alexandre De Sousa Guteres, Lic.Eco.,MM, ho estrutura tomak.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
