FAKULDADE EKONOMIA ABERTURA ATIVIDADE PAK BA ESTUDANTE ESTENSIA SIRA

FAKULDADE EKONOMIA ABERTURA ATIVIDADE PAK BA ESTUDANTE ESTENSIA SIRA

Dili-Universidade da Paz (UNPAZ)liuhusi Fakuldade Ekonomia hala’o abertura ba estudante estensia semester v, ne’ebé atu hala’o Pratika Atividade kampu PAK nian, aula 7 Fakuldade Ekonomia (12/03).

Vise Dekanu fakuldade Ekonomia Sr. José da Silva, Lic. Eco, hatete Ita foka liu kona-ba atividade PAK ne’ebé mak akontese iha Munisipiu Dili, atividade PAK ida ne’e ita esplika ituan kona-ba substansia husi kada departamentu ho objetivu pratika apredizajen de kampu ne’e sira ba atu halo saida, liu-liu ba departamentu 3 klase extensaun semester V, Departamentu Jestaun, Kontabilidade, no Departamentu Bankaria.

Iha ne’e total estudante hamutuk 103, depois sei fahe ba suku 24 ne’ebé mak iha Dili laran, kada suku ita fahe fali sira monu ba suku ida bele hetan ema na’in haat (4), ohin ita konsege esplika ona asuntu balu kona-ba oinsa atu rekolla dadus faze preparasaun depois fahe grupu tuir suku ne’ebé mak iha.

Nomós iha asuntu balu ita ko’alia kona-ba relatoriu, depois sira rekolla hotu saida mak sira halo durante sira-nia atividade ka estajiu ne’e, no sira bele entrega hotu sira-nia relatoriu no submete mós ba sistema online ne’ebé mak sira iha smartphone ne’ebe mak iha, nomós perguntas ne’ebe mak dezenvolve ona iha sistema online pois sira tun ba sira bele uza smartphone, hodi foti sira-nia dadus ka dokumentasaun hodi submete ba sira-nia relatoriu.