FAKULDADE DIREITU UNPAZ SERVISU HAMUTUK HO UNIVERSIDADE WARMADEWA HODI OFERESE BOLSU ESTUDU BA ESTUD

FAKULDADE DIREITU UNPAZ SERVISU HAMUTUK HO UNIVERSIDADE WARMADEWA HODI OFERESE BOLSU ESTUDU BA ESTUDANTE SIRA

Dili-Universidade da Paz (UNPAZ) nia Fakuldade Direitu servisu hamutuk ho Universidade Warmadewa Bali-Indonesia hodi oferese bolsu estudu ba estudante sira liu-liu estudante UNPAZ, hodi asesu ba bolsu estudu nomós servisu nian, Iha Aula Prof. Dr. Lucas da Costa (15/09).

Dekanu Fakuldade Direitu, Dr. Leonito Rebeiro, SH.,MH. hateten fakuldade direitu UNPAZ halo kooperasaun ho universidade Wrmadewa, tanba ne’e atividade ida ohin ne’e sira husi Wrmadewa mai ne’e ho sira nia programa ida kona-ba sira atu fó bolsa estudu no servisu, ho ida ne’e kooperasaun ne’e husi fakuldade direitu ho universidade Wrmadewa hodi fó bolsa ba iha timor oan sira liu-liu iha UNPAZ. Bolsa estudu ne’e la’os ba de’it iha lisensiatura, maibe ba mós maestradu no doutoramentu, maibe la’os ba de’it iha fakuldade direitu, fakuldade sira seluk mós bele.

Ketua Program Studi, Dra. Mirsa Umijati, M.Hum. Warmadewa Bali serbisu hamutuk ho UNPAZ, iha área oi-oin, ne’ebé maka durante ne’e di’ak tebes, maka ohin ami ekipa nia prejensa iha fatin ne’e, husi Universidade Waramadewa Bali, atu loke oportunidade ba estudante husi universidade da Paz, liu-liu fakuldade Direitu, bolsa ne’ebé maka husi Warmadewa atu ofrese ba estudante ne’e ba Lisensiatura, Mestradu no Doutoramentu.

Nia esplika, kriteria atu asesu ba bolsa ne’e maka halo transkripsau valor, fotokopya ijasa, halo proposta ba husu apoiu husi universidade Warmadewa, hasai deklarasaun husi autoridade sira kona-ba familia laiha kibi’it atu kontinua selu eskola, husu ba estudante sira ne’ebé maka iha intrese atu asesu ba iha bolsa ne’e sei iha oportunidade to’o domingu, atu hatene informasaun klaru bele kontaktu direita ba iha Sra Epos nia númeru kontaktu mak ne’e +6282273635770.

Partisipa iha Sosializasaun ba bolsa estudu ne’e, Vise Reitór Asuntu Akadémiku, Sr. Joaninho Xavier Hei, Lic. CSH.,M.Ed. Dekanu Fakuldade Direitu, Dr. Leonito Rebeiro, SH.,MH. Ketua Program Studi, Dra. Mirsa Umijati, M.Hum. ho ekipa nomós Estudante sira.