FAKULDADE DIREITU REALIZA SEMINARIU HO FAKULDADE DIREITU UNIVERSYTAS UDAYANA BALI

FAKULDADE DIREITU REALIZA SEMINARIU HO FAKULDADE DIREITU UNIVERSYTAS UDAYANA BALI

Dili-Universidade da Paz (UNPAZ), liuhusi Fakuldade Direitu realiza seminariu ho Fakuldade DireItu Universytas Udayana Bali, liuhusi Zoom, iha Aula Prof. Dr. Lucas da Costa (10/02) horseik.

Primeiru Vice Dekanu Fakuldade Direitu, Sr. Julio Manuel, Lic. Dir.,M. Hum. Hateten ohin iha atividade rua, primeiru asina nota entendementu entre Universidade da Paz, liu-liu Fakuldade Direitu, ho Fakuldade Direitu Universytas Udayana Bali, hodi hametin koperasaun ida ne’ebé di’ak, entre estudante dosente ba iha área peskiza nian.

Nia hatutan, atividade ida seluk kona-ba seminariu internasional entre Fakuldade Direitu UNPAZ ho Fakuldade Direitu Universytas Udayana Bali, atu halo komparasaun liu-liu kona-ba konstituisaun RDTL ita nian, ho Konstituisaun Indonesia nian.

“Importante ba estudante sira mak, sei halo estudu komparativu, enkuantu situasaun la iha covid, estudante husi Universytas Udayana Bali, bele mai ita nian, nomós ita nia bele ba iha Universytas Udayana Bali”, Sr. Julio.

Partisipa iha atividade refere, Dr. Deonizio Babo, Primeiru Vice Dekanu Fakuldade Direitu, Sr. Julio Manuel, Lic. Dir.,M. Hum. ho esrtutura, Vice Reitór Asuntu Koperasaun Interna no Externa, Dekanu sira, Dosente, Funsionariu, inklui estudante sira.