FAKULDADE DIREITU REALIZA MINI WORKSHOP HODI HARMONIZA KURIKULUM AKADÉMIKU
Dili-Universidade da Paz (UNPAZ) Liuhusi Fakuldade Direitu hala'o mini Workshop hodi harmoniza kurikulum akadémiku nasionál 213 Uniforme ba 240 Programa Estudu Siénsia Direitu, anu letivu 2024.
Dekanu Fakuldade Direitu, Dr. Leonito Ribeiro, SH.,MH. hateten tuir orientasaun Magnífiku Reitór katak, tinan ida ne'e fakuldade hotu-hotu tenki re-harmoniza kurikulum ne'ebé antes ne'e la'o ho 213 kreditus tenki uniforme ba 240, tanba ne'e mak mini workshop ida ne'e, ita hotu atu haree fila fali materia ne'ebé relevante duni ho kondisaun no situasaun timor nian.
"Agradese ba ita hotu nia partisipa iha revizaun kurikulum ida ne'e, ita hotu nia hamutuk mak bele lori fakuldade direitu ba futuru ne'ebé mak di'ak",dehan Dekanu, iha Aula Mestradu (27/01/24).
Dekanu esplika, Ita realiza uluk mini Workshop, tanba ita seidauk too ba iha rekezitu balun, tanba ne'e, ita sei konsulta ho StayHolder sira, nune'e sira bele kontribui hanoin ruma ba iha revizaun kurikulum ida ne'e ba iha semester 1 nian.
Entretantu revizaun kurikulum Fakuldade Direitu ba programa estudu siensia direitu, partisipa husi Dekanu Fakuldade Direitu, Dr. Leonito Ribeiro, SH.,MH. Ho Dosente sira hotu husi Fakuldade Direitu, inklui Funsionariu Adminisataun Fakuldade direitu nian.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
