FAKULDADE DIREITU REALIZA EZAME BA ESTUDANTE PAK SIRA
Dili-Universidade da Paz (UNPAZ) Liuhusi Komisaun responsavel ba ezame PAK, realiza ezame Relatoriu ba estudante Prátika Aprendizajen Kampu PAK, Fakuldade direitu, ne'ebé kompostu husi grupu (16), ne'ebé durante ne'e hala'o atividade iha Raeoa, ohin komisaun konsege fó ona ezame ba grupu balun no balun sei kontinua iha Segunda, iha Kampus Sentrál (08/06/24).
Vise Dekanu I Assuntu Akademiku, Sr. Julio Manuel, Lic.Dir.M. Hum. hateten ohin Fakuldade direitu hala'o ezame relatoriu PAK, estudante husi fakuldade direitu ne'ebé hala'o atividade iha Raeoa durantene'e, liu-liu kona-ba atividade ligadu ho siénsia direitu nia, relasiona ho teoria ne'ebé sira hetan iha aula durante semester V, maka sira tun ba iha terenu atu prátika, hodi sukat teoria nia lalaok no padraun lei sira, no nia implementasaun iha terenu ne'e han malu ka lae.
"Husi ida ne'e mak sira bele halo konkluzaun ida haree husi aspeitu sosiologia direitu ba normás no regras sira, husi ezame ne'e, atu sukat koñesimentu estudante sira-nian iha terenu, liu-liu problema ne'ebé sira identífika iha komunidade sira, relasiona ho problema rai, violénsia domestika, nune'e estudante sira bele analiza, hodi fó rekomendasaun ba iha autoridade, nune'e bele solusiona problema komunidade nian", dehan Nia.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
