FAKULDADE DIREITU REALIZA ELEISAUN BA KANDIDATU SENADU ESTUDANTIL FOUN

FAKULDADE DIREITU REALIZA ELEISAUN BA KANDIDATU SENADU ESTUDANTIL FOUN

Dili-Universidade da Paz (UNPAZ) liuhusi Senadu estudantil Fakuldade Direitu hala’o serimónia abertura, hodi hili senadu foun tinan akadémiku 2023-2024, iha Salaun José Kasimiru (04/09).

Terseiru Vice Dekanu Asuntu Estudantil Fakuldade Direitu, Sr. Rui Manuel Lic. Dir M.D. hateten kada tina sempre hili senadu foun ba iha fakuldade sira, ohin ita tama ba iha fakuldade direitu hodi hili senadu foun ba iha fakuldade nian, tanba ne’e, eleisaun ita boot sira mak hili rasik, hodi reprezenta imi nia aspirasaun mai iha asuntu estudantil nian ba to’o iha fakuldade.

“Eleisaun se mak manan, servisu tenki rona malu no fiar malu, nune’e bele servisu ba iha fakuldde, tanba buat ida senadu esperitu servisu voluntariu, tanba senadu ne’e hanesan lidernsa estudante sira nian, ho ida ne’e ida ne’ebé mak eleitu ita sei servisu hamutuk”,Tenik.

Iha fatin hanesan, reprezenta Xefe Senadu Fakuldade Direitu, Agostinho de Jesus Madeira, dehan iha mundu akadémiku kada tinan ita tenki iha estrutura senadu, atu sai, matan, tilun no ibun ba estudante hotu ne’e hala’o nia estudu iha fakuldade direitu, tanba ne’e ba estudante sira hotu tenki marka prejensa iha momentu sira hanesan ne’e, tanba sira maka sei lori ita boot sira preokupasaun no aspirasaun iha fakuldade.

“Deseiju no voasorte ba ita boot sira, sei sai kandidatura ida ne’ebé mak di’ak, hodi halo mudansa iha fakuldade direitu liu-liu situasaun real ne’eb’e ita hotu hasoru, tanba ne’e, ita boot sira iha obrigasaun moral atu muda situasaun hotu iha fakuldade, tanba ne’e buat haat ne’ebé importante mak, Rona Malu, Servisu Hamutuk, Transparansia no Onestidade, ho ida ne’e kaer buat haat ne’e fakuldfade direitu sei la’o ba oin”,dehan Vise Senadu Fakuldade Direitu.

Entretantu iha serimónia eleisaun ba senadu foun Fakuldade Direitu nian ne’e, Loke direta husi Terseiru Vice Dekanu Asuntu Estudantil Fakukdade Direitu, Sr. Rui Manuel Lic. Dir M.D. akompaña husi Senadu sira nomós Sivitas Akadémiku Universidade da Paz.