FAKULDADE DIREITU ORGANIZA SERIMONIA TOMADA DE POSSE SENADU ESTUDANTIL FOUN PERIODU 2024-2025

FAKULDADE DIREITU ORGANIZA SERIMÓNIA TOMADA DE POSSE SENADU ESTUDANTIL FOUN PERÍODU 2024-2025

Dili-Universidade da Paz (UNPAZ) liuhusi estrutura Senadu Estudantil Fakuldade Ciensia Direitu, organiza Serimónia Tomada de posse ba estrutura Senadu Estudantil foun Períodu 2024-2025, iha Salaun Jose Casimiro (22/11/24).

Iha Serimónia Tomada de pose Estrutura Senadu Estufantil, Fakuldade Direitu, Vice Reitora Asuntu Estudantil, Sra. Felisbela A. O de Oliveira, Lic.Sp., M.SP, hateten wa'in hira ita sira ne’ebé mak iha ne’e, ita rona ema ne’ebé ko’alia tau atensaun ba ema ne’ebé ko’alia entaun ita prepara ita nia an ba futuru ho di’ak liu tan ida ne’e hanesan mensagen ida husi ha’u, maibé atu hatete de’it ba ita bo’ot sira-nia planu ne’ebé agora dadaun labele haluha la’o nafatin ba oin.

“Senadu eleitu ho nia estrutura sira hanesan estudante tenki apoiu malu, hakat hamutuk, la’o hamutuk ida ne’e prinsipiu ida ne’ebé mak ita iha, no nafatin ajuda iha fakuldade nomós universidade, sira mesak labele no ami mesak labele ita hamutuk bele hala’o buat hotu iha ita nia universidade”,Dehan Vise Reitora.

Reprezenta dekanu fakuldade direitu, Vice Dekanu Assuntu Akademíku, Sr. Julio Manuel, Lic.Dir.,M.Hum, hato’o Parabens ba estrutura senadu estudantil sesante sira ne’ebé halo ona servisu durante tinan ida nia laran no ba buat ne’ebé mak imi halo seidauk hotu ne’e hanesan servisu ida ba senadu estdudantil foun, hodi kontinua servisu ne’e normal iha instituisaun hotu-hotu no iha organizasaun nia laran. La’os katak aktividade ita halo to’o remata maibe balu hahu no balu kontinua nia prosesu la’o nafatin .

“Estrutura senadu estudantil foun ita bo’ot sira ne’ebé hetan fiar husi estudante sira imi mak reprezenta sira hodi hato’o sira-nia aspirasaun no liu-liu ita bo’ot sira-nia kolaborasaun ho fakuldade atu nune'e hala’o programa lubuk ida husi programa akademíku, programa estudante, liu-liu programa extra-kurikuler sira, nomós iha peskiza nian ne’ebé ita bo’ot sira sai hanesan reprezenta estudante sira atu ko’alia sira-nia aspirasaun mak imi tenki solidu, kuandu imi la rona malu ne’e difisíl atu determina imi nia programa sira ne’ebé imi planu ona”,teknik.

Iha fatin hanesan senadu estudantil eleitu Fransico N. da C. Silva, hateten fiar ne’ebé ami hetan husi kolega estudante sira hotu ba mandatu tinan ida nia laran ne’e, ami estrutura sira sei servisu hamutuk hodi hala’o programa ne’ebé ami prepara ona, no ida ne’e ami nia responsablidade ba ami kna’ar ne’ebé ami simu, no atu hateten de'it ba ita hotu katak ami estrutura eleitu sei servisu hamutuk ho vice dekanu assuntu estudntil liu-liu kona-ba aktividade extra-kurikuler sira ne’ebé estabelese iha Universidade da Paz.

Entretantu iha serimónia tomada de posse ne’e partisipa husi, Vice Reitora Asuntu estudantil, Sra. Felisbela A. O. de Oliveira, Lic.SP.,M.SP, estrutura fakuldade direitu, senadu estudantil Universidade, senadu estudantil fakuldade neen, sivitas akadémiku fakuldade dreitu inklui sivitas akademíku Universidade da Paz.