FAKULDADE DIREITU ORGANIZA LASU AMIZADE HO ESTUDANTE FOUN SEMESTER IDA
Dili-16 Marsu 2025 horseik Universidade da Paz (UNPAZ) liu husi senadu estudantil hamutuk ho estrutura fakuldade direitu, organiza atividade lasu amizade entre estudante tuan ho estudante foun semester ida nomós dosente sira, hodi hametin iha relasaun amizade di’ak iha futuru.
Magnífiku Reitór UNPAZ, Dr. Adolmando Soares Amaral, Lic. Eco.,MM. hateten lasu amizade ida ne’e dosente tenki esplika prosesu aprendizajen nomós senadu tenki fahe esperiénsia ba atividade extra sira, ida ne’e mak objetivu lolos husi lasu amizade, la’os mai atu kontente de’it.
“Senadu sira molok atu organiza eventu sira hanesan ne’e, imi tenki kompriende uluk, hafoin bele organiza sira foun ne’e, nune’e imi bele fahe esperiensia no atividade ne’ebé imi hala’o ligadu ho papel senadu nian”,dehan Reitór.
Iha fatin hanesan, Dekanu Fakuldade direito, Dr. Leonito Ribeiro, SH.,MH. Dehan programa bina-akrap ne’ebé programa senadu estudantil ne’ebé kada tinan ita hala’o, maibe senadu sira tenki akulmula estudante sira hotu, nune’e hotu-hotu bele sente no kompriende programa ida ne’e.
“Estudante sira tenki apriende ho di’ak, nune’e bele sai lideransa ne’ebé di’ak ba futuru, tanba ne’e imi tenki kolabora hamutuk no koñese malu di’ak liu/habelun malu iha fakuldade direitu”,tenik dekanu.
Entretantu iha eventu ne’e, partisipa husi estudante ativu, dosentes nomós estrutura fakuldade direitu inklui estudante foun sira.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
