FAKULDADE DIREITU HAKAT BA RE-AVALIASAUN SIKLU DARUAK

FAKULDADE DIREITU HAKAT BA RE-AVALIASAUN SIKLU DARUAK

Dili-Universidade da Paz (UNPAZ) liuhusi Ajénsia Nasional ba Avalíasaun no Akreditasaun Akadémika, Institutu Públiku (ANAAA, I.P.) hala'o avaliasaun no akreditasaun ba Fakuldade Direitu ne’ebé hakat ba re-akreditasaun siklu daruak Tinan akadémiku 2024, iha avaliasaun ida ne'e reprezenta avaliador Internasional nomós Nasional, Iha Aula Prof. Dr. Lucas da Costa (22/10/24).

Objetivu husi avaliasaun no akreditasaun ida ne'e, atu asegura elijibilidade no kualidade fakuldade direitu ba Prosessu avaliasaun no akreditasaun ne’e haktuir ba padraun i kriteriu husi ANAAA no durante avaliasaun ida ne'e avaliador sira sei observa direta no halo konfirmasaun ba entidade sira relasiona ho relatóriu auto-avaliasaun ba Fakuldade Direitu ne’ebé submete ba ANAAA.

Diretor Ezekutivu ANAAA, I.P. Dr. Nilton Diamantino Paiva Mau, Ph.D. hateten ba dekanu no dosentes hotu iha fakuldade Direitu, oportunidade re-akreditasaun ba dahruak nian iha loron rua ne'e, espera ita sei hahotu ho furak atu bele hetan rezultadu di'ak. Tanbá importante ba jovens sira iha Timor-Leste ne'ebé mak fó konfiánsa ba fakuldade Direitu iha Universidade da Paz.

Tuir observasaun média nian nota iha terenu katak, depois de avaliador sira hasoru malu ho estrutura fakuldade direitu, dosente, estudante ativu no alumi nomós StakeHolder sira. Iha loraik ne’e, ekipa ne’e mós halo site vsit ba iha Biblioteka Universidade, Laboratorium, sala de Aula, sala simulasaun, aula dosente nomós estrutura fakuldade nian inklui IQA. Iha ne’’ebé akompaña husi Magnífiku Reitór Dr. Adolmando Soares Amaral, Lic. Eco,.MM. ho estrutura tomak iha Universidade da Paz.

Entretantu iha avaliasaun no akreditasaun ba loron dahuluk ne’e, partisipa husi Diretor Ezekutivu ANAAA, I.P. Dr. Nilton Diamantino Paiva Mau, Ph.D. Avaliador, Prof. Dr. Mella Rahayu (Avaliador Internasional), Dr. Agusto da Costa (Avaliador Nasional), Dra. Elisabeth R. da Costa Lopes (Avaliador Nasional) Ekipa Husi ANAAA, Vise Reitores sira, Dekanu Fakuldade 6, Xefe Departamentu sira, Pro-Reitor, Diretor Unidade sira Dosente, Funsionariu inklui Alumi, StakeHolder, Estudante ativu sira.